Նոյեմբերի 6-7-ը, 2026թ., «Ճարպակալում» թմայով 4-րդ միջազգային միջմասնագիտական գիտաժողով

Հարգելի՛ գործընկեր,

Սիրով հրավիրում ենք Ձեզ մասնակցելու «Ճարպակալում» 4-րդ միջազգային միջմասնագիտական գիտաժողովին, որն անցկացվելու է դոկտոր Րաֆֆի Հովհաննիսյանի անվան 5-րդ միջազգային բժշկական գիտաժողովի հետ համագործակցությամբ։

Գիտաժողովը տեղի կունենա 2026 թվականի նոյեմբերի 6–7-ին, Երևանում՝ Գաբրիել Սունդուկյանի անվան ազգային ակադեմիական թատրոնում։

Գիտաժողովը համախմբելու է Հայաստանի և արտերկրի առաջատար մասնագետներին՝ քննարկելու ճարպակալման՝ որպես քրոնիկ, բազմագործոն հիվանդության, ախտորոշման, բուժման և երկարաժամկետ կառավարման ժամանակակից մոտեցումները։

Գիտական ծրագրի հիմնական ուղղություններն են՝

• Ճարպակալման դեղորայքային բուժման նորագույն մոտեցումները, ներառյալ GLP-1 թերապիան։
• Բարիատրիկ և մետաբոլիկ վիրաբուժության ժամանակակից տեխնոլոգիաները։
• Ճարպակալման միջմասնագիտական կառավարումը։
• Կանանց առողջությունը և մանկական ճարպակալումը։
• Հետվիրահատական հսկողությունն ու պացիենտների երկարաժամկետ վարումը։
• Կլինիկական դեպքերի ներկայացում և գործնական քննարկումներ։

Գիտաժողովին մասնակցելու են մասնագետներ Հայաստանից, ԱՄՆ-ից, Մեծ Բրիտանիայից, Բրազիլիայից, Քաթարից, Վրաստանից, Ռուսաստանից և Արաբական Միացյալ Էմիրություններից։

Գիտաժողովը հավատարմագրված է EACCME®-ի կողմից՝ 12 եվրոպական ՇՄԶ կրեդիտով (ECMEC®s)։

Համոզված ենք, որ գիտաժողովը մասնագիտական գիտելիքների փոխանակման, միջազգային փորձին ծանոթանալու և նոր համագործակցություններ հաստատելու արժեքավոր հնարավորություն կլինի։

Սիրով սպասում ենք Ձեր մասնակցությանը։

Ամսաթիվ՝ նոյեմբերի 6–7, 2026 թ.

Վայր՝ Գ. Սունդուկյանի անվան ազգային ակադեմիական թատրոն, Երևան

Մանրամասներ, ծրագիր և գրանցում՝  https://obesity.am/am

Հարգանքով՝
Գիտաժողովի կազմակերպիչներ

Տաթևիկ Խաչատրյան` նախագծի հեղինակ և կազմակերպիչ, ՄեդՊրոգրես Առողջապահական Հիմնադրամի հիմնադիր և տնօրեն

Լևոն Գրիգորյան` նախագծի գիտական ղեկավար, կազմակերպիչ, Մինիմալ Ինվազիվ վիրաբույժների Ասոցիացիայի հիմնադիր և նախագահ

Արա Բաբլոյան` բ.գ.դ., «Արաբկիր» բժշկական համալիրի կառավարման խորհրդի նախագահ, գիտական ղեկավար

Հարցեր, պատասխաններ, մեկնաբանություններ