նոյեմբերի 6-7-ը, 2026թ., «Ընտանեկան բժշկություն» թեմայով 13-րդ Գիտաժողովին՝ միջազգային մասնակցությամբ

Սիրով հրավիրում ենք Ձեզ մասնակցելու «Ընտանեկան բժշկություն» թեմայով 13-րդ Գիտաժողովին՝ միջազգային մասնակցությամբ։ Միջոցառումը տեղի կունենա  նոյեմբերի 6-ին և 7-ին «Էլիտ Պլազա» բիզնես կենտրոնի մեծ կոնֆերանս-դահլիճում (հասցե՝ ք. Երևան, փ. Մ. Խորենացի 15)։

 Գիտաժողովը նվիրված է ընտանեկան բժշկության արդի խնդիրներին, ԱԱՊ օղակի բժիշկների և նեղ մասնագետների գործնական աշխատանքում առավել տարածված ոչ վարակիչ և վարակիչ հիվանդությունների ախտորոշման, կառավարման, կանխարգելման և բուժման ժամանակակից մոտեցումներին: 

Գիտաժողովին զեկույցներով հանդես կգան առաջատար մասնագետներ Հայաստանից, ինչպես նաև հայազգի բժիշկներ Մեծ Բրիտանիայից, Շվեդիայի Թագավորությունից, Կանադայից, ԱՄՆ-ից (կից ներկայացվում է ծրագիրը): 

Գիտաժողովի մասնակցության թիրախային լսարանն են՝ ընտանեկան բժիշկներ, թերապևտներ, մանկաբույժներ, սրտաբաններ, նյարդաբաններ, ակնաբոույժներ, ներզատաբաններ, ինչպես նաև ԱԱՊ օղակի բուժքույրեր:

Գիտաժողովի մասնակցությունն անվճար է:

ԸՆՏԱՆԵԿԱՆ ԲԺՇԿՈՒԹՅԱՆ ԱԿԱԴԵՄԻԱԿԱՆ ՄԻԱՎՈՐՈՒՄ
առողջապահական հասարակական կազմակերպություն

Հարցեր, պատասխաններ, մեկնաբանություններ