ՀՀ ԱՆ. Համաժողով` նվիրված գենոդերմատոզների ախտորոշման ու բուժման հիմնախնդիրներին

Մաշկի բնածին գենետիկ հիվանդությունների խմբի` Գենոդերմատոզների ախտորոշման ու բուժման հիմնախնդիրներին նվիրված «Բուժմիություն» առաջին հայ-ռուսական համաժողովը մեկնարկել է:

Հիվանդությունների այս խումբը դեռևս անբուժելի է և առաջացնում է համշանդամություն` պահանջելով մշտական խնամք և բժշկական հսկողություն:

Մասնագետների հիմնական աշխատանքն ուղղվում է նման խնդիրներ ունեցողների կյանքի որակի ապահովմանը։

«Որակյալ բժշկական օգնություն և սպասարկում ապահովելու դեպքում հնարավոր է հասնել լավ արդյունքների` թե՛ կյանքի տևողության և թե՛ կյանքի որակի բարելավման առումով։»,-ողջունելով հյուրերին` նշել է առողջապահության նախարարի տեղակալ Արմեն Գասպարյանը։

Միջոցառմումը կազմակերպվել է ՀՀ ԱՆ «Այրվածքաբանության և մաշկաբանության ազգային կենտրոնի», «Дети-Бабочки» հիմնադրամի և Մաշկավեներաբանների հայկական ասոցիացիայի ջանքերով: Համագործակցության արդյունքում` վերջին տարիներին կազմակերպվել են խորհրդատվական հանդիպումներ, բազմաթիվ երեխաներ ստացել են ճշգրիտ ախտորոշում և բուժօգնություն։

Հարցեր, պատասխաններ, մեկնաբանություններ