Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Իրադարձություններ Հայաստանում

ԵՊԲՀ. ուրոլոգիական համագումարը ԵՊԲՀ-ում համախմբել է ոլորտի առաջատարներին

ԵՊԲՀ. ուրոլոգիական համագումարը ԵՊԲՀ-ում համախմբել է ոլորտի առաջատարներին

Արդեն 23 տարի յուրաքանչյուր աշնան սկզբին Հայաստանի ուրոլոգիական համայնքի համար մասնագիտական ձեռքբերումները ներկայացնելու և անելիքներն ուրվագծելու լավագույն հարթակը տարեկան համագումարն է:  ԵՊԲՀ Նելլի Խոստիկյանի անվան 6-րդ լսարանում այսօր մեկնարկեց Հայկական ուրոլոգիական ասոցիացիայի 23-րդ տարեկան համագումարը, որը համալսարանական հարկի տակ էր համախմբել արտերկրի անվանի մասնագետների, հանրապետության առաջատար բժշկական կենտրոնների ուրոլոգիական ծառայությունների ղեկավարների, բժիշկների, կլինիկական օրդինատորների:

Նիստը մեկնարկեց ԵՊԲՀ ռեկտոր, Հայկական ուրոլոգիական ասոցիացիայի պատվավոր նախագահ Արմեն Մուրադյանի և Ուրոլոգիայի և անդրոլոգիայի ամբիոնի ավագ դասախոս Կորյուն Միրզոյանի համահեղինակած «Շագանակագեղձի քաղցկեղ․անցյալը, ներկան, ապագան» ծավալուն զեկույցի ներկայացմամբ:

Բժիշկ Միրզոյանը թվային տվյալներով՝ վիճակագրությամբ, խոսեց հիվանդության տարածվածության, պատմության մեջ հայտնի առաջին նկարագրությունների, կլինիկական ներկայացվածության մասին, ինչպես նաև անդրադարձավ ախտորոշման մեթոդների զարգացմանը, բուժման, վիրահատման մեթոդների էվոլյուցիային:

«Սա ուրոլոգիական ամենամեծ ստուգատեսն է Հայաստանում: Մենք ի մի ենք բերում անցյալ տարվա ընթացքում կատարված աշխատանքները և նախագծում ենք ուրոլոգիայի զարգացումը ապագայում մեր երկրում: Մենք դա անում ենք ինչպես ներքին ուժերով, այնպես էլ արտաքին` հրավիրված: Միշտ աշխատում ենք կապ ունենալ դրսի մասնագիտական ասոցիացիաների հետ, դա կլինի ամերիկյան, եվրոպական և այլն: Միշտ հրավիրում ենք կարկառուն ուրոլոգների, որպեսզի նրանք մեզ փոխանցեն իրենց փորձը, որքան էլ մենք այստեղ կարողանանք լավ աշխատել, այնուհանդերձ, մեր երկիրը փոքր է, որպեսզի ստեղծենք ուրոլոգիական ուղեցույցներ: Ուղղություներն էլ մեր մասնագիտության մեջ չենք սահմանափակում, ամեն ինչ ներառված է: Այս տարի ԵՊԲՀ ռեկտոր, պրոֆեսոր Արմեն Մուրադյանի գլխավորությամբ ավելի ենք լայնացրել մեր հետաքրքրությունների շրջանակը», – մանրամասնեց Հայկական ուրոլոգիական ասոցիացիայի նախագահ Ռուբեն Հովհաննիսյանը:

Շրջանակի ընդլայնումը, մասնավորապես, վերաբերում է նրան, որ միջոցառմանը հրավիրված է ՀՀ ԳԱԱ թղթակից անդամ, պրոֆեսոր, Խաչատուր Աբովյանի անվան պետական մանկավարժական համալսարանի հայ հին և միջնադարյան գրականության ամբիոնի վարիչ, պրոֆեսոր Աելիտա Դոլուխանյանը, ով ներկայացրեց «Մխիթար Հերացի. Մեծ բժշկապետը և մարդը» զեկույցը:

Ռուբեն Հովհաննիսյանի գնահատմամբ` արհեստական ինտելեկտը սրընթաց զարգացում է ապրում, այդ թվում՝ բժշկության մեջ, և պատահական չէ, որ գիտական ծրագում ներառված էր դասախոսություն նաև այդ թեմայով.

«Մենք պետք է ոչ միայն իմանանք ուրոլոգիայի զարգացման ուղղությունները, վերջին նորությունները, այլև, եթե ուզում ես լինել լավ ուրոլոգ, լավ մասնագետ, պետք է տիրապետես այն ամենին, ինչը ստեղծվել է աշխարհում առ այսօր»:

Այդ պատճառով համագումարին հրավիրել էր ԵՊԲՀ պատվավոր դոկտոր,  ARICE ծրագրի փորձագետ, ԱՄՆ Կալիֆոռնիայի Cedars-Sinai բժշկական համալսարանի օնկոբիոբանկավորման գիտական տնօրեն, Ավստրիայի Գրացի համալսարանի բիոբանկի հիմնադիր տնօրեն, Պաթոմորֆոլոգիայի և համակարգչային կենսաբժշկության ամբիոնների պրոֆեսոր Կարինե Սարգսյանը, ով ԱՄՆ-ից տեսաձայնագրված կներկայացնի «Արհեստական բանականությունը և մեքենայական ուսուցումը կենսաբժշկական հետազոտություններում և կիրառական բժշկության մեջ․ կիրառումն ուրոլոգիայում» զեկույցը:

Աշխարհի տասը երկրից, այդ թվում՝ Կատարից, Իսրայելից, ՌԴ–ից հրավիրված բժիշկ–գիտնականները կներկայացնեն իրենց փորձը, կունկնդրեն հայ գործընկերներին` թեմատիկ լայն ընդգրկմամբ, կփոխանակվեն փորձով և կընդլայնեն գործակցությունը:

Բանախոսների և մոդերատորների թվում են ինչպես համալսարանական մասնագետներ, այնպես էլ այլ բժշկական կենտրոնների ներկայացուցիչներ, արտերկրից բժիշկներ, նրանց թվում են Վրեժ Շահրամանյանը, Գևորգ Գրիգորյանը, Վարուժան Շահսուվարյանը, Սերգեյ Ֆանարջյանը, Արթուր Գրաբսկին, Ալեքսանդր Բեռնիկովը, Նաիրի Մելքոնյանը, Կարեն Ծառուկյանը, Արման Ծառուկյանը, Գարեգին Խաչատրյանը, Համլետ Դվոյանը, Գոռ Շադյանը, Արամ Ադամյանը, Արմեն Ավոյանը, Դավիթ Ֆանարջյանը, Հովհաննես Մանվելյանը, Լուսինե Մարդանյանը, Մհեր Ջավախյանը, Սերգեյ Բաբլոյանը, Հայկ Պետրոսյանը, Արտյոմ Կելնը, Արտյոմ Ստեփանյանը, այլք:

ԵՊԲՀ ուրոլոգիայի և անդրոլոգիայի ամբիոնի պրոֆեսոր, ՀՀ ԱՆ ուրոլոգիայի գծով խորհրդատու Արթուր Գրաբսկին նշեց, որ Հայկական ուրոլոգիական ասոցիացիայի տարեկան համագումարներն ավանդական են դարձել:

«23 տարին արդեն բավականին  մեծ ճանապարհ է, որ անցել ենք, և երբ սկսում էինք դեռևս 1999 թվականից մեր գործունեությունը, այն եզակի մասնագիտական միավորումներից էինք Հայաստանում, որ համախմբված, կազմակերպված մեր հիմնադրի` Իվան Աղաջանյանի ձևակերպմամբ ասած,  «պրոտոկոլային» ժողովներ էինք անում, որովհետև միշտ հիմնվել ենք դեռևս այդ ժամանակներում մեզ համար նորույթ հանդիսացող ուղեցույցների թարգմանությունների վրա: Այս ժողովն էլ սկսած ճանապարհի շարունակությունն է», – ասաց Արթուր Գրաբսկին, ով տարիներ առաջ նախագահել է Հայկական ուրոլոգիական ասոցիացիան` հավելելով, որ պատմական մեջբերումներից մինչև նորագույն տեխնոլոգիաներ, ռոբոտիկ վիրաբուժություն հագեցած է լինելու այս տարվա հավաքի օրակարգը:

«Տարեկան այս համագումարը, որպես կանոն, երկու հիմնական նպատակ ունի՝ ուսուցողական և, երկրորդը, մասնագիտական շփումներն են, որոնք նպաստում են մեր երկրում  ոլորտի պատկերը, զարգացումները, կարիքները հասկանալուն: Զուգահեռաբար մեր օրդինատորները, երիտասարդ բժիշկները մեծ ինֆորմացիա և գիտելիք են ստանում: Տարին մեկ անգամ մենք կազմակերպում ենք նաև Եվրոպական ուրոլոգիական դպրոցը, երբ եվրոպայից եկող մասնագետները զեկույցներ են կարդում, թրեյնինգներ են անցկացնում, ինչը երիտասարդների համար լուրջ առաջընթաց է», – նշեց «Հերացի 100» հիմնադրամի հոգաբարձուների խորհրդի նախագահ, ուրոլոգ Արմեն Ավոյանը:

Ուրոլոգիայի և անդրոլոգիայի ամբիոնի  պրոֆեսոր Սերգեյ Ֆանարջյանի խոսքով`  ասոցիացիաների կարևորությունն այն է, որ ներկայացված փորձը, նորարարությունները փոխանցվում են դեպի ուսումնական գործընթաց:

«Երիտասարդների համար ուրոլոգիան գրավիչ մասնագիտացում է, սակայն շատ կցանկանայի, որպեսզի այս ուղղությունն ընտրած երիտասարդ մասնագետներն ավելի խորացված և բազմակողմանիորեն ուսումնասիրեն մասնագիտությունը և, ամենակարևորը, լինեն բազմակողմանի զարգացած, հատկապես օտար լեզուների իմացությունը կարևոր է ոլորտի զարգացումներին հետևելու, իրազեկ լինելու և դրանք կիրառելու տեսակետից», – շեշտեց պրոֆեսոր Ֆանարջյանը:

Նշենք, որ այս տարին հոբելյանական է ԵՊԲՀ ուրոլոգիայի և անդրոլոգիայի ամբիոնի համար, լրանում է ամբիոնի 20 տարին, սակայն, պայմանավորված երկրում ստեղծված իրավիճակով, ամենամյա ուրոլոգիական այս երկօրյա հավաքը չի ունենա հանդիսավոր մաս, այլ հագեցած կլինի բացառապես գիտական, ուսումնական, կլինիկական տեղեկատվությամբ և նյութերով:

Երիտասարդ և արդեն կայացած ուրոլոգների մասնակցությամբ մասնագիտական միջոցառումը բժշկական բուհում ամփոփվելու է ասոցիացիայի նախագահ, ուրոլոգ Ռուբեն Հովհաննիսյանի «Բիոցենտրիզմ: Մոլորությու՞ն, թե՞ ուղի դեպի ճշմարտություն» խորագրով ելույթով:

Սկզբնաղբյուր. Երևանի պետական բժշկական համալսարան
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

2023 թվականից կրկնողաբար, «Հիպերտենզիվ խանգարումներով հղիների վարման ու ծննդալուծման ժամանակակից հայեցակետերը» թեմայով դասընթաց
2023 թվականից կրկնողաբար, «Հիպերտենզիվ խանգարումներով հղիների վարման ու ծննդալուծման ժամանակակից հայեցակետերը» թեմայով դասընթաց

2023 թվականից կրկնողաբար Երևանում (ԵՊԲՀ «Մանկաբարձության և գինեկոլոգիա»-ի թիվ 1 ամբիոն) տեղի կունենա «Մ.Հերացու անվան պետական բժշկական համալսարան»-ի կողմից կազմակերպվող...

ՀՀ ԱՆ. փետրվարի 2-5-ը, 2024թ․, Հայկական ուռուցքաբանական 4-րդ կոնգրեսը
ՀՀ ԱՆ. փետրվարի 2-5-ը, 2024թ․, Հայկական ուռուցքաբանական 4-րդ կոնգրեսը

Հայտարարություն 2024 թվականի փետրվարի 2-5-ը Ջերմուկ քաղաքում տեղի կունենա Հայկական ուռուցքաբանական 4-րդ կոնգրեսը: Խորագիրն է` «Հայկական ուռուցքաբանություն. ընթացիկ հաջողություններ և նոր մարտահրավերներ»` նվիրված...

ՀՀ ԱՆ. Նյարդաբանական խնդիրներով պայմանավորված հիվանդություն
ՀՀ ԱՆ. Նյարդաբանական խնդիրներով պայմանավորված հիվանդություն

Սուր պոլիռադիկուլիտ, պացիենտների մեծամասնության մոտ դիտվում են շնչառական կամ ստամոքսաղիքային ինֆեկցիայի նշաններ, բակտերիալ կամ վիրուսային ցիտոմեգալովիրուս...

ՀՀ ԱՆ. Հայտարարություն
ՀՀ ԱՆ. Հայտարարություն

Հետաքրքրվածության ներկայացման հրավեր (CV)

(Խորհրդատվական ծառայություններ – անհատական խորհրդատուի ընտրություն...

Առողջական վիճակը գնահատելու բարձրորակ փաթեթ
Առողջական վիճակը գնահատելու բարձրորակ փաթեթ

Բարձրորակ, լայնածավալ փաթեթ առողջական ընդհանուր վիճակը գնահատելու համար...

Բժիշկ Րաֆֆի Հովհաննիսյանի անվան 2-րդ միջազգային բժշկական գիտաժողով. մանկական գաստրոէնտերոլոգիա և լյարդաբանություն
Բժիշկ Րաֆֆի Հովհաննիսյանի անվան 2-րդ միջազգային բժշկական գիտաժողով. մանկական գաստրոէնտերոլոգիա և լյարդաբանություն

Մասնագիտական զարգացման միջազգային կենտրոնը՝ ICPD, շարունակում է իր պարտքը կատարել՝ հարգելով նրանց, ովքեր իրենց ակնառու նվիրվածությունն են ցուցաբերել Հայաստանում առողջապահական կրթության...

ԵՊԲՀ. Դեղագիտության վերաբերյալ միջազգային հոդվածները՝ «Նոր հայկական բժշկական հանդես» գիտակիրառական ամսագրում
ԵՊԲՀ. Դեղագիտության վերաբերյալ միջազգային հոդվածները՝ «Նոր հայկական բժշկական հանդես» գիտակիրառական ամսագրում

Արաբական Միացյալ Էմիրություններում՝ դեկտեմբերի 14-15-ը, կկայանա Դեղագիտության և դեղագործական գիտությունների նորարարության առաջին միջազգային գիտաժողովը, որին ներկայացված հոդվածների որոշ մասը...

Ակնաբույժի տնային այց Երևանում
Ակնաբույժի տնային այց Երևանում

Ալեքսանդր Մալայանի անվան տեսողության կենտրոնն առաջարկում է նոր ծառայություն՝ ակնաբույժի տնային այց Երևանում

 

Ծառայությունը ներառում է՝...

Դեկտեմբերի 9-ին, 2023թ․, գիտաժողով՝ «Կնոջ առողջություն և ձվարանների պոլիկիստոզ համախտանիշ» թեմայով. morevmankan.am
Դեկտեմբերի 9-ին, 2023թ․, գիտաժողով՝ «Կնոջ առողջություն և ձվարանների պոլիկիստոզ համախտանիշ» թեմայով. morevmankan.am

2023 թվականի դեկտեմբերի 9-ին տեղի կունենա գիտաժողով՝ «Կնոջ առողջություն և ձվարանների պոլիկիստոզ համախտանիշ» թեմայով...

ՀՀ ԱՆ. Առողջապահության նախարարություն` ՁԻԱՀ-ի, տուբերկուլյոզի և մալարիայի դեմ պայքարի Գլոբալ հիմնադրամի դրամաշնորհային ծրագրերը համակարգող խումբ (ԳՀ ԾՀԽ)
ՀՀ ԱՆ. Առողջապահության նախարարություն` ՁԻԱՀ-ի, տուբերկուլյոզի և մալարիայի դեմ պայքարի Գլոբալ հիմնադրամի դրամաշնորհային ծրագրերը համակարգող խումբ (ԳՀ ԾՀԽ)

Պաշտոնի անվանումը. Վարչական հարցերով օգնական ԺԱՄԱՆԱԿԸ. Լրիվ դրույքով

Տևողությունը. Երկարաժամկետ, Գլոբալ հիմնադրամի ֆինանսավորմանը համապատասխան...

Կայացավ Հայկական հոգեբուժական ասոցիացիայի XI համագումարը
Կայացավ Հայկական հոգեբուժական ասոցիացիայի XI համագումարը

Երևանի հյուրանոցային համալիրներից մեկում կայացավ Հայկական հոգեբուժական ասոցիացիայի XI համագումարը։ Ասոցիացիայի նախագահ Արմեն Սողոյանը ներկայացրեց հաշվետվություն՝ կատարված աշխատանքների վերաբերյալ...

ԼՈՒՐԵՐ: Իրադարձություններ Հայաստանում
Պահանջվում է փորձառու անեսթեզիոլոգներ. ajapnyakmc.com
Պահանջվում է փորձառու անեսթեզիոլոգներ. ajapnyakmc.com

Հրավիրում ենք աշխատանքի փորձառու և արհեստավարժ անեսթեզիոլոգների։


Բոլոր տեսակի անզգայացման տեսակներին...

«Արմենիա» հանրապետական բժշկական կենտրոնին անհրաժեշտ են արյան դոնորներ. armeniamedicalcenter.am
«Արմենիա» հանրապետական բժշկական կենտրոնին անհրաժեշտ են արյան դոնորներ. armeniamedicalcenter.am

«Արմենիա» հանրապետական բժշկական կենտրոնին անհրաժեշտ են արյան ցանկացած խումբ ունեցող դոնորներ...

Էքստրեմալ ցածր քաշով անհաս նորածինների պարենտերալ սնուցման համար անհրաժեշտ դեղեր
Էքստրեմալ ցածր քաշով անհաս նորածինների պարենտերալ սնուցման համար անհրաժեշտ դեղեր

Հայաստանում տարեկան միջինում ծնվում է ցածր քաշով 3 հազար երեխա, որոնցից 2021թ. տվյալներով 121-ը` էքստրեմալ ցածր քաշով (500-1000գ)...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ