Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

 

Իրադարձություններ Հայաստանում

ԵՊԲՀ. Բուժքույրական հավաքով և համալսարանականների զեկույցներով ամփոփվեց «Ձգտելով կատարելության» համագումարը

ԵՊԲՀ. Բուժքույրական հավաքով և համալսարանականների զեկույցներով ամփոփվեց «Ձգտելով կատարելության» համագումարը

Ֆրեզնոյում Հայաստանի Հանրապետության պատվավոր հյուպատոսության և Երևանի Մխիթար Հերացու անվան պետական բժշկական համալսարանի՝ «Ձգտելով կատարելության» խորագրով համատեղ միջազգային բժշկական համագումարը սեպտեմբերի 29-ին ամփոփեց աշխատանքները։

Սեպտեմբերի 26-ին մեկնարկած միջոցառումն համախմբել էր բժշկագիտական տարբեր ոլորտների ներկայացուցիչների։

Կրթության որակի գնահատման և ապահովման կենտրոնի ղեկավար Արամ Հայրապետյանը ներկայացրեց «Հայաստանում բժիշկների հաջորդ սերնդի նախապատրաստման ընթացիկ մարտահրավերները» խորագրով զեկույցը։ Բժշկական համալսարանի ուսանողների 97%-ը, նրա խոսքով, շարունակում է կրթությունը կլինիկական օրդինատուրայում։ Անդրադառնալով աշխատաշուկայում ներգրավվածության մակարդակին՝ մասնագետը շեշտեց, որ ավարտելուց 1-3 տարի հետո սովորողների 75-80%-ն անցնում է աշխատանքի։

Ինչ վերաբերում է արտասահմանցի ապագա բժիշկների ցուցանիշներին՝ Արամ Հայրապետյանը տեղեկացրեց, որ նրանց 80%-ը հաջողությամբ հանձնում է անհրաժեշտ բժշկական քննությունն իր երկրում։

Համագումարի մասնակիցներին ներկայացվեց նաև ԵՊԲՀ ֆակուլտետների, «Հերացի» ավագ դպրոցի, համալսարանական հիվանդանոցների, ինչպես նաև սիմուլյացիոն կենտրոնների գործունեությունը։ «Բժշկական համալսարանում կրթություն է ստանում շուրջ 8000 ուսանող, որոնցից 2000-ն արտասահմանցի ապագա բժիշկներ են աշխարհի 33 երկրից», – նշեց Արամ Հայրապետյանը։ նա անդրադարձավ նաև բուհի միջազգային համագործակցությանը՝ մասնավորապես շեշտելով փոխանակման ծրագրերի կարևորոթյունը։

Խոսելով որակի ապահովման ներքին և արտաքին գործընթացների մասին՝ մասնագետը տեղեկացրեց, որ բուհը գտնվում է Բժշկական կրթության համաշխարհային ֆեդերացիայի կողմից ծրագրային միջազգային հավատարմագրման փուլում։ Ըստ Արամ Հայրապետյանի՝ առաջին կուրսեցիներն արդեն սովորում են միջազգային չափանիշներին համապատասխան կազմված կրթական ծրագրով։

Սան Ֆրանցիսկոյի Կալիֆոռնիայի համալսարանի անհետաձգելի բուժօգնության կլինիկական պրոֆեսոր Հակոբ Աֆարյանը ներկայացրեց Միացյալ Նահանգներում բժշկի կայացման մասնագիտական ուղին։ Ըստ նրա՝ 4 տարի բժշկական դպրոցում և 3-7 տարի կլինիկական օրդինատուրայում կրթության ընթացքում սովորողը վերածվում է արդեն բժշկի։ «Ուսումնառության կարևորագույն երեք սյուներն են կրթությունը, վերապատրաստումը և գնահատումը», – ընդգծեց մասնագետը` շեշտելով ինքնակատարելագործման, միջանձնային, մասնավորապես՝ հաղորդակցման հմտություններին տիրապետելու և իրավասությունը պահպանելու կարևորությունը։

«Միքայելյան» համալսարանական հիվանդանոցում Բուժքույրական սիմպոզիումն (Nursing Symposium in cooperation with Union of Nurses of Armenia) ամփոփեց «Ձգտելով կատարելության» խորագրով միջազգային բժշկական համագումարը։

Ավելի քան 250 բուժքույր մասնակցում էր Բուժքույրերի միավորման հետ համատեղ կազմակերպված միջոցառմանը։

Զեկույցով հանդես եկավ Բուժքույրերի միավորման նախագահ, «Միքայելյան» համալսարանական հիվանդանոցի գլխավոր բուժքույր, ԱՆ բուժքույրական խորհրդի նախագահ Գեղանուշ Ստեփանյանը՝ խոսելով բուժքրոջ աշխատանքի էթիկական ասպեկտների մասին։

Հաջորդ զեկուցողը՝ Սառա Աղաբեկյանը, խոսեց առողջապահության ոլորտում նորարարական տեխնոլոգիաների մասին, հատկապես կարևորվեց այժմ առաջարկվող վիրակապական նյութերը, դրանց առավելությունները։

«Միքայելյան» համալսարանական հիվանդանոցի բժիշկ-ինֆեկցիոնիստ, ԵՊԲՀ ինֆեկցիոն ամբիոնի դոցենտ Ալվարդ Հովհաննիսյանն անդրադարձավ վարակներին՝ սուր աղիքային, կարմրուկ, ինչպես նաև դրանց կանխարգելման և բուժման հարցերին։ Իսկ ԵՊԲՀ հիգիենիկ և հակահամաճարակային բաժնի պետ, Համաճարակաբանության ամբիոնի դոցենտ Կարինե Պողոսյանը ներկայացրեց ներհիվանդանոցային վարակների դեմ պայքարի մեթոդները։

Զեկուցումներով հանդես եկան նաև արտասահմանից ժամանած մասնագետները, մասնավորապես՝ UCLA Health-ի նախկին տնօրեն, Ամերիկահայ բուժքույրերի միության նախագահ Սալպի Ակարագյանը խոսեց բուժքույրերի մասնագիտության հիմնասյուների, կրթական ծրագրերի, բարեփոխումների մասին, իսկ մասնագիտացած բուժքույր Նելլի Հակոբյանն անդրադարձավ բուժքույր-պացիենտ, բուժքույր-հարազատներ հարաբերություններում առկա ռիսկերին և մարտահրավերներին, որակի ապահովման մասնագետ Թոնի Գոնսալեսն էլ խոսեց բուժական ծառայություններում որակի վերահսկողության մասին։

Բանախոսների ընտրած զեկույցների թեմաներն արդիական էին և հետաքրքիր, ելույթներն ուղեկցվում էին ակտիվ հարցուպատասխաններով, քննարկումներով։

Սալպի Ակարագյանը մեզ հետ զրույցում նշեց, որ հիացած է հայ բուժքույրերի պատրաստվածությամբ, ակտիվությամբ, գրագիտությամբ։ «Այսօրվա բուժքույրը տարբերվում է, մեր բուժքույրերը մեծ առաջընթաց են ապրել, ուշի ուշով հետևում են, շատ գրագետ հարցեր տալիս, գիտելիքների հարուստ պաշար ունեն, սա միայն ուրախացնող է, նրանք չեն զիջում արտասահմանցի բուժքույրերին իրենց փորձով, հմտություններով», – ասաց Ամերիկահայ բուժքույրերի միության ղեկավարը։

Խոսելով բուժաշխատողների բարձրագույն կրթության հարցի մասին՝ Գեղանուշ Ստեփանյանը նշեց, որ առաջիկայում ԵՊԲՀ ղեկավարության հետ կքննարկվի բուժքույրական ֆակուլտետ ունենալու հնարավորությունը:

Գեղանուշ Ստեփանյանը կարևորեց քույրական գործի մասնագետների շարունակական վերապատրաստումը, ակտիվ մասնակցությունը տարբեր կոնֆերանսներին, հետաքրքրվածությունը և նոր գիտելիք ստանալու ձգտումը, փորձի փոխանակումը, ինչպես նաև արտերկրի գործընկերների հետ շփումները։

Հյուրերը նշեցին, որ պատրաստ են աջակցել բուժքույրական գործընթացում բարեփոխումներ իրականացնելու և իրենց փորձը շարունակաբար փոխանցելու հարցում։

Նշենք, որ քառօրյա միջոցառման ընթացքում բանախոսները քննարկեցին նաև աղետների բժշկությունը և դրա մարտահրավերները, կրծքագեղձի բուժման ոլորտում առաջընթացը, ենթաստամոքսային գեղձի քաղցկեղի բուժման արդյունավետ մեթոդները, շագանակագեղձի քաղցկեղի բուժումը և մարտահրավերները, քաղցկեղով հիվանդների խնամքը, COVID-19 համավարակի անուղղակի հետևանքները մանկական առողջապահության ոլորտում, վարակիչ հիվանդությունների և դրանց հետևանքով առաջացած ճգնաժամերի կառավարումը, աչքի հիվանդությունների բուժման ոլորտում առաջընթացը, առողջապահության ոլորտում կիրառվող նորագույն տեխնոլոգիաները։

Սկզբնաղբյուր. Երևանի պետական բժշկական համալսարան
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ՀՀ ԱՆ. Համաժողով` «Հայաստանում բժշկական զբոսաշրջության զարգացման ներուժն ու հեռանկարները» թեմայով
ՀՀ ԱՆ. Համաժողով` «Հայաստանում բժշկական զբոսաշրջության զարգացման ներուժն ու հեռանկարները» թեմայով

Առողջապահության նախարար Անահիտ Ավանեսյանի և Էկոնոմիկայի նախարար Գևորգ Պապոյանի մասնակցությամբ կայացել է «Հայաստանում բժշկական...

ԼՈՒՐԵՐ: Իրադարձություններ Հայաստանում
ԵՊԲՀ. «Լյարդի տրանսպլանտացիա. արդի մարտահրավերներն ու հեռանկարները» միջոցառումը` կրթական արժեքավոր փորձառություն
ԵՊԲՀ.  «Լյարդի տրանսպլանտացիա. արդի մարտահրավերներն ու հեռանկարները» միջոցառումը` կրթական արժեքավոր փորձառություն

«Լյարդի տրանսպլանտացիա. արդի մարտահրավերներն ու հեռանկարները» միջոցառումը` կրթական արժեքավոր փորձառություն...

ԼՈՒՐԵՐ: Իրադարձություններ Հայաստանում
ԵՊԲՀ. «Ստորին վերջույթի վնասվածքներ 2025» կոնֆերանսը համալսարանական հարկի ներքո համախմբել է հանրապետության առաջատար վնասվածքաբաններին
ԵՊԲՀ. «Ստորին վերջույթի վնասվածքներ 2025» կոնֆերանսը համալսարանական հարկի ներքո համախմբել է հանրապետության առաջատար վնասվածքաբաններին

Երևանի պետական բժշկական համալսարանում ապրիլի 25-ին մեկնարկեց «Ստորին վերջույթի վնասվածքներ 2025» թեմայով երկօրյա կոնֆերանսը, որի ընթացքում ոլորտի...

ԼՈՒՐԵՐ: Իրադարձություններ Հայաստանում
Մայիսի 9-10-ը, 2025 թ., գիտաժողով` «Սուր կաթվածի բուժման սահմանագծին» խորագրով
Մայիսի 9-10-ը, 2025 թ., գիտաժողով` «Սուր կաթվածի բուժման սահմանագծին» խորագրով

ՀՀ ԱՆ ԱԱԻ Նյարդաբանության և Նեյրովիրաբուժության ամբիոնը և «Էրեբունի» բժշկական կենտրոնի Կաթվածի թիմը,Հայաստանի Կաթվածի խորհրդի հետ համատեղ կազմակերպում է...

ԼՈՒՐԵՐ: Իրադարձություններ Հայաստանում
ԵՊԲՀ. Շուրջ 350 մասնակից․ կայացավ «Լանցետ»-ի՝ որովայնային և լապարասկոպիկ վիրաբուժությանը նվիրված կոնֆերանսը
ԵՊԲՀ. Շուրջ 350 մասնակից․ կայացավ «Լանցետ»-ի՝ որովայնային և լապարասկոպիկ վիրաբուժությանը նվիրված կոնֆերանսը

Կարիերայի զարգացման կենտրոնի «Լանցետ» միջազգային վիրաբուժական ծրագրի շրջանակում գործնական հմտությունների բարելավման հերթական կոնֆերանսը նվիրված էր...

ԼՈՒՐԵՐ: Իրադարձություններ Հայաստանում
Անհետաձգելի բուժօգնության կրթական ծրագիրն ամփոփեց առաջին փուլը
Անհետաձգելի բուժօգնության կրթական ծրագիրն ամփոփեց առաջին փուլը

Այսօր կարևոր իրադարծություն է Հայաստանի առողջապահական համակարգում: Հանդիսավոր արարողակարգի շրջանակում, 18 ամիս տևած ուսումնական...

ԼՈՒՐԵՐ: Իրադարձություններ Հայաստանում
25-26 ապրիլի, 2025 թ., կոնֆերանս՝ նվիրված նեյրոիմունոլոգիայի վերջին նվաճումներին։
25-26 ապրիլի, 2025 թ., կոնֆերանս՝ նվիրված նեյրոիմունոլոգիայի վերջին նվաճումներին։

«Էրեբունի» բժշկական կենտրոնի նյարդաբանության բաժանմունքը ՀՀ ԱՆ ԱԱԻ նյարդաբանության...

ԼՈՒՐԵՐ: Իրադարձություններ Հայաստանում
ԵՊԲՀ. Մեկնարկեց հայ և գերմանացի մասնագետների «Սրտային անբավարարության գարնանային երկրորդ դպրոց»-ը
ԵՊԲՀ. Մեկնարկեց հայ և գերմանացի մասնագետների «Սրտային անբավարարության գարնանային երկրորդ դպրոց»-ը

Երևանի Մխիթար Հերացու անվան պետական բժշկական համալսարանում ապրիլի 8-ին մեկնարկեց «Սրտային անբավարարության գարնանային երկրորդ դպրոց» խորագրով...

ԼՈՒՐԵՐ: Իրադարձություններ Հայաստանում
ԵՊԲՀ. Հայ և գերմանացի սրտաբանները սերտացնում են կապերը՝ բուժման նոր մեթոդների, ախտորոշիչ և թերապևտիկ տարբերակների տարածման ուղղությամբ
ԵՊԲՀ. Հայ և գերմանացի սրտաբանները սերտացնում են կապերը՝ բուժման նոր մեթոդների, ախտորոշիչ և թերապևտիկ տարբերակների տարածման ուղղությամբ

Գերմանիայի Մագդեբուրգի համալսարանի սրտաբանության և անգիոլոգիայի կլինիկայի և ԵՊԲՀ «Հերացի» հիվանդանոցային համալիրի սրտաբանական կլինիկայի...

ԼՈՒՐԵՐ: Իրադարձություններ Հայաստանում
ԵՊԲՀ. Շարունակվում է «Լանցետ»-ի կոնֆերանսների շարքը` այս անգամ շեշտադրելով կարդիո-թորակալ վիրաբուժությունը
ԵՊԲՀ. Շարունակվում է «Լանցետ»-ի կոնֆերանսների շարքը` այս անգամ շեշտադրելով կարդիո-թորակալ վիրաբուժությունը

Կարիերայի զարգացման կենտրոնի «Լանցետ» միջազգային վիրաբուժական հարթակի շրջանակում բժշկական համալսարանում կայացավ կարդիո-թորակալ...

ՀՀ ԱՆ. Համագործակցության հրավեր
ՀՀ ԱՆ. Համագործակցության հրավեր

Առողջապահության նախարարության հետ համագործակցությամբ հետաքրքրված բժշկական մասնագիտական ասոցիացիաները, որոնք համապատասխանում են...

ԼՈՒՐԵՐ: Իրադարձություններ Հայաստանում
13-15-ը դեկտեմբերի, «Ճարպակալում. 2-րդ միջազգային միջմասնագիտական գիտաժողով»
13-15-ը դեկտեմբերի, «Ճարպակալում. 2-րդ միջազգային միջմասնագիտական գիտաժողով»

Տարեցտարի աճող այս հիվանդությունն արդեն համարվում է ոչ վարակային պանդեմիա...

ԼՈՒՐԵՐ: Իրադարձություններ Հայաստանում
Սեռակրթությունը պետք է լինի տեղին, ժամանակին և գրագետ. դասախոսություն՝ բժշկական մայր բուհում
Սեռակրթությունը պետք է լինի տեղին, ժամանակին և գրագետ.  դասախոսություն՝ բժշկական մայր բուհում

ԵՊԲՀ-ում անցկացվեց դասախոսություն «Անվտանգ սեռական վարքագիծ» թեմայով՝ կազմակերպված սեռական առողջության հիմնախնդիրներին նվիրված կրթական ծրագրի...

ԼՈՒՐԵՐ: Իրադարձություններ Հայաստանում
Իզմիրլյան բժշկական կենտրոնը՝ նաև միզաքարային հիվանդության գերազանցության կենտրոն. Արթուր Գրաբսկի
Իզմիրլյան բժշկական կենտրոնը՝ նաև միզաքարային հիվանդության գերազանցության կենտրոն. Արթուր Գրաբսկի

Իզմիրլյան բժշկական կենտրոնի ուրոլոգիական կլինիկան ընթանալով տարածաշրջանային առաջատարության ճանապարհով վերջերս ձեռք է բերել մեկ միլիոն ԱՄՆ դոլար արժողությամբ...

ԼՈՒՐԵՐ: Իրադարձություններ Հայաստանում
ԵՊԲՀ. նոյեմբերի 16-ին,2024 թ., «Երևանյան VII դերմատոսկոպիական ընթերցումներ – մաշկավեներաբանության սանկտ-պետերբուրգյան դպրոցի օրերը Երևանում»
ԵՊԲՀ. նոյեմբերի 16-ին,2024 թ., «Երևանյան VII դերմատոսկոպիական ընթերցումներ – մաշկավեներաբանության սանկտ-պետերբուրգյան դպրոցի օրերը Երևանում»

Մխիթար Հերացու անվան Երևանի պետական բժշկական համալսարանի մաշկաբանության և ՍՎ ամբիոնը‚ պրոֆեսոր Հ.Ա. Քալամքարյանի անվան մաշկավեներաբանության և մաշկի...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ