6IMCA. հավաքագրման փուլում կարևորվել է Հայրենասեր լինելու փաստը. կամավորների խմբի ղեկավար

Հայաստանի 6-րդ միջազգային բժշկական համագումարի կամավորների խումբը մասնակից է եղել մասշտաբային միջոցառման գրեթե բոլոր կազմակերպչական աշխատանքներին։ Նրանք ներգրավված են եղել տարբեր ոլորտներում՝ թարգմանություն, դիզայն, լոգիստիկա, հյուրերի գրանցում և այլն։

Այս մասին մեզ հետ զրույցում ասաց բժիշկ, հանրային առողջության մասնագետ, Հայաստանի Առողջապահական ուսանողների ասոցիացիայի նախագահ, Հայաստանի 6-րդ միջազգային բժշկական համագումարի կամավորների խմբի ղեկավար Տիգրան Օգանեսյանը։

Նրա փոխանցմամբ՝ միջոցառումից ամիսներ առաջ հատուկ գրանցման ընթացակարգ է սահմանվել։ Հայտարարությունը զետեղված է եղել Հայաստանի Առողջապահական ուսանողների ասոցիացիայի կայք-էջում և սոցիալական տարբեր հարթակներում։

Տ․ Օգանեսյանի խոսքով՝ Հայաստանի Առողջապահական ուսանողների ասոցիացիան միշտ հնարավորություն է ստեղծում ուսանողների համար նոր փորձ, նոր ընկերներ և նոր հնարավորություններ ձեռք բերելու համար։

Ըստ զրուցակցի՝ Ասոցիացիան պարբերաբար անց է կացնում վարպետության դասեր և թրեյնինգներ։

Հայաստանի 6-րդ միջազգային բժշկական համագումարի կամավորական աշխատանքներին ներգրավված էին ոչ միայն ասոցիացիայի բժիշկ-ուսանող անդամները, այլ նաև ուսանողներ՝ Երևանի պետական համալսարանից, Հայաստանի ամերիկյան, տնտեսագիտական և պոլիտեխնիկական համալսարաններից։  

Տ․ Օգանեսյանը նշում է, որ կամավորներ են ունեցել նաև Սփյուռքից, ՌԴ-ից, Հնդկաստանից և Շրի Լանկայից։  Հավաքագրման փուլում կարևորվել է Հայրենասեր լինելու փաստը։   

Զրուցակիցը վստահ է, որ ուսանողների մասնակցությունն այս մասշտաբային միջոցառմանը դրական է ազդելու նաև կարիերայի վրա։ Ստացած գիտելիքը հետագիծ կթողնի․․․

Հարցեր, պատասխաններ, մեկնաբանություններ