Հունիսի 30-ին, 2022 թ., ՏՅՈՒՏՈՐՆԵՐԻ ԴՊՐՈՑԻ բացման միջոցառում

ՏՅՈՒՏՈՐՆԵՐԻ ԴՊՐՈՑԻ բացման միջոցառումը կկայան հունիսի 30-ին ժամը 17:30 Հոգեսոցիալական կարգավորման կենտրոնում,

սիրով սպասում ենք!

Ռեքավերի Քոլեջում մեկնարկում է Տյուտորների/Ուղեկցող մասնագետների դպրոցը

Դասընթացի նպատակը

• Հաշմանդամություն, զարգացման խնդիրներ ունեցող
• սոցիալականացման դժվարություններ ունեցող
• սոցիալական տարբեր միջավայրերում, կրթության և կյանքի տարբեր ֆունկցիոնալ ոլորտներում աջակցության կարիք ունեցող անձանց շրջանում մասնագիտական անմիջական աջակցությանն ուղղված տեսական գիտելիքների և մասնագիտական հմտությունների ձևավորում, ինչը հնարավորություն կտա ուղեկցող մասնագետին ունենալ անհրաժեշտ գիտելիքներ և կարողություններ տյուտորի/ուղեկցող մասնագետի գործունեություն ծավալելու համար:

Դպրոցի դասախոսական կազմում ընդգրկված են ինչպես Հայաստանի լավագույն մասնագետները, այնպես էլ միջազգային թրեյներներ և դասախոսներ։

Դպրոցի ղեկավարն և ծրագրի հեղինակն է Հանրապետական մանկավարժա-հոգեբանական գնահատման կենտրոնի վերապատրաստող մեթոդիստ, հոգեբան, վարքային մասնագետ, հոգեբան Հայկանուշ Դիլանյանը։

Դպրոցի հանդիսավոր բացումը կկայանա հունիսի 30-ին, ժամը 17:30 Հոգեսոցիալական կարգավորման կենտրոնում, հասցե՝ Նալբանդյան 47:

Բացմանը կներկայացվի Տյուտորների դպրոցի ծրագիրը, կներկայացվի դասախոսական կազմը։

Նախատեսված է սուրճի հյուրասիրություն։

Տեղեկատվություն ընդունելության վերաբերյալ՝

Դասերի մեկնարկը՝ 07.07.2022, ժամը 10:00

Դասընթացի մասնակիցներ կարող են լինել բակալավրի կրթական աստիճան ունեցող հոգեբաններ, հատուկ հոգեբաններ, սոցիալական մանկավարժներ, հատուկ մանկավարժներ, լոգոպեդներ, ծնողներ և տյուտորի/ուղեկղցող մասնագետի առնվազն մեկ ուսումնական տարի փորձ ունեցող անձիք:

Շտապեք! Տեղերը խիստ սահմանափակ են։

Դասաժամերի քանակը՝ 42 ժամ

Մասնակցության համար նախապես գրանցվել՝ գրելով նամակ մեր ֆեյսբուքյան էջին:

Դասընթացի հիմնական ուղղությունները

1. Տյուտորի/ Ուղեկցող մասնագետների իրավագիտակցության, արժեքներին, գաղափարներին, մասնագիտական էթիկային ուղղված գիտելիքների և հմտությունների ձևավորում:
2. Տյուտորի/Ուղեկցող մասնագետի դերը, գործառույթները, հիմնական նպատակները,աշխատանքի հիմնական ուղղություները:
3. Հաշմանդամություն, զարգացման խնդիրներ ունեցող, սոցիալականացման դժվարություններ ունեցող, սոցիալական տարբեր միջավայրերում, կրթության և կյանքի տարբեր ֆունկցիոնալ ոլորտներում աջակցության կարիք ունեցող անձանց առանձնահատկությունները:
4. Տյուտորի/ ուղեկցող մասնագետների աշխատանքի գործնական ուղղությունները: Աշխատանք վարքի հետ, հմտությունների և կարողությունների ձևավորում, անհատական զարգացման և ուսուցման նպատակների իրագործման գործնական տեխնիկաներ և մեթոդներ:

Դպրոցի վերջնարդյունքները՝

Ուսուցման ավարտին դասընթացի մասնակիցները`

1. Կիմանան երեխաների, հաշմանդամություն ունեցող մարդկանց իրավունքների վերաբերյալ:
2. Ձեռք կբերեն գիտելիքներ հաշմանդամություն ունեցող երեխաների և դեռահասների հետ կրթական և այլ սոցիալական վայրերերում տյուտորի/ուղեկցող մասնագետի մասնագիտական գործունեության գաղափարախոսության, արժեքների և էթիկական կանոնների վերաբերյալ :
3. Կիմանան տյուտորի/ուղեկցող մասնագետի դերը, գործառույթները, հիմնական նպատակները,աշխատանքի հիմնական ուղղություները և միջավայրերը:
4. Գիտելիքներ ձեռք կբերեն նորմատիպիկ զարգացման ընթացքի, ինչպես նաև տարբեր խանգարումների դեպքում անձի առանձնահատկությունների վերաբերյալ:
5. Ձեռք կբերեն տեսական գիտելիքներ տարբեր սոցիալական վայրերում սոցիալապես ոչ հարմարվողական վարքաձևերի հետ աշխատանքի վերաբերյալ:
6. Ձեռք կբերեն գործնական հմտություններ ուղղված տարբեր սոցիալական վայրերում սոցիալապես ոչ հարմարվողական վարքաձևերի ֆունկցիոնալ վերլուծությանը և դրանց հետ աշխատանքում ռազմավարությունների մշակմանը:
7. Կհասկանան`որոնք են տեղափոխման հետ կապված դժվարությունները, կկարողանան պլանավորել և գործնական ռազմավարություն ձևավորել տեղափոխման դժվարությունները հաղթահարելու համար:
8. Ձեռք կբերեն տեսական գիտելիքներ և գործնական հմտություններ տեսողական աջակցման միջոցների վերաբերյալ:
9. Կիմանան անհատականան ուսուցման ծրագրերի, սովորողի կարիքներին համապատասխան ուսումնական նյութերի հարմարեցման դերն ու մեխանիզմները, և կկարողանան աջակցել ուսումնական նյութերը սովորողի կարքներին հարմարեցնելու և կիրառելու գործընթացին:
10. Ձեռք կբերեն տեսական գիտելիքներ նկարչական արտթերապիայի միջոցով հոգեբանական ախտորոշման վերաբերյալ, կկարողանան գործնականում կիրառել արտթերապիայի հիմնական սկզբունքները:
11. Կիմանան աստիճանական դեսենսիբիլիզացիայի տեխնիկայի տեսական և կիրառական հիմքերը:
12. Ձեռք կբերեն գիտելիքներ կրթական միջավայրերում այլընտրանքային հաղորդակցման միջոցների դերի, նշանակության և կրառման սկզբունքների վերաբերյալ:
13. Կիմանան էրգոթերապիայի դերի մասին դպրոցում:
14. Կտարբերակեն` ինչով է տարբերվում տյուտորը/ ուղեկցող մասնագետը դայակից:
15. Կիմանան դպրոցական և այլ սոցիալական միջավայրերում բարդ և բազմակի հաշմանդամություն ունեցող մարդկանց մասնագիտական աջակցման առանձնահատկությունները:
16. Ձեռք կբերեն գործնական նախնական հմտություններ բարդ և բազմակի խանգարումներ ունեցող մարդկանց տարբեր սոցիալական վայրեր ուղեկցելու համար:

Հարցեր, պատասխաններ, մեկնաբանություններ