Հայկական հոգեբուժական ասոցիացիայի Խորհրդի և Գործադիր Վարչության հանդիսավոր նիստ` նվիրված Սամվել Թորոսյանի 75-ամյակին

Առողջապահության ազգային ինստիտուտում հուլիսի 15-ին՝ կայացավ Հայկական հոգեբուժական ասոցիացիայի Խորհրդի և Գործադիր Վարչության հանդիսավոր նիստ օրակարգում երկու կարևոր իրադարձության: Առաջինը՝ Ասոցիացիայի Խորհրդի անդամ, հոգեբույժ Սամվել Արսենի Թորոսյանի 75-ամյակը նշելու հանդիսությունն էր, որի շրջանակում ներկայացվեց նվիրյալ անհատի հսկայական ներդրումը հոգեբուժության ասպարեզում, հիշատակվեցին նրա գործունեության կարևոր ձեռքբերումները, ներկայացվեցից շնորհավորական ուղերձներ:

Հանդիսավոր արարողությանը ներկա էր առողջապահության փոխնախարար Արմեն Նազարյանը:

Միջոցառման երկրորդ մասը նվիրված էր Ասոցիացիայի կողմից ստեղծվող գիտական խորհրդին, որն ունենալու է կարևոր գործառույթներ:

Միջոցառման մասին մանրամասներ պարզեցինք Հայկական բժշկական ասոցիացիային նախագահ, հոգեբույժ Արմեն Սողոյանի հետ զրույցի ժամանակ:

- Տեղի ունեցավ Հայկական հոգեբուժական խորհրդի և վարչության համատեղ հանդիսավոր նիստը՝ նվիրված խորհրդի անդամ Սամվել Արսենի Թորոսյանի 75- ամյակին:

Օրակարգում էր նաև ասոցիացիայի գիտական խորհրդի ստեղծումը:

Ասոցիացիայի նիստերը միշտ բաց են, բայց այս անգամ հրավիրված էին նաև մարդիկ, ովքեր ցանկություն ունեին իրենց սրտի խոսքն ասել, կամ պարզապես կիսել մեր ուրախությունը:

Ասոցիացիայի գիտխորհրդի ստեղծումը կարելի է պատմական համարել: Սովորաբար, գիտական խորհուրդները կազմավորվում են համալսարաններում, տարբեր բժշկական կենտրոններում, բայց ոչ ասոցիացիաներում:  Մեր ասոցիացիան այն քչերից է, եթե ոչ միակը, որը հրատարակում է նաև գիտական պարբերական /2009-ից/, որը ընդգրկված է ԲՈԿ ցուցակում, չնայած մինչև այդ ընդունված էր, որ նման կարգավիճակ կարող են ունենալ միայն համալսարանները, կամ բժշկական կենտրոնները: Ուստի մենք առաջամարտիկ ենք այդ ասպարեզում, և փորձելու ենք ստեղծվող գիտական խորհուրդը գործարկել մեր պատկերացրած չափանիշներով, նպատակադրվել ենք, որ խորհուրդը հաստատի գիտական ծրագրերը և գիտական երաշխավորությունները:

Ընդհանրապես, յուրաքանչյուր համալսարան, բժկական կամ այլ գիտական կենտրոն տիրապետում է միայն իր գիտական ներուժին, իսկ ասոցիացիան՝ միավորելով հոգեբուժական ողջ գիտական պոտենցիալը և նաև հոգեբանական պատկառելի գիտական պոտենցիալ ներառում է մարդկային և գիտական հսկայական ներուժ:  Այժմ, մենք փորձում ենք գործարկել այդ պոտենցիալը:

Հարցեր, պատասխաններ, մեկնաբանություններ