ՀՀ ԱՆ. Մարդու իրավունքները կենսաբժշկության մեջ. դասընթաց լրագրողների համար

Մեկնարկել է «Կենսաէթիկայի հիմնական սկզբունքների վերաբերյալ HELP դասընթացը» լրագրողների համար, որը կազմակերպվել է առողջապահության նախարարության հետ համատեղ՝ ԵԽ «Մարդու իրավունքների պաշտպանությունը կենսաբժշկության մեջ» ծրագրի շրջանակներում:

Հարկ է նշել, որ «Մարդու իրավունքների պաշտպանությունը կենսաբժշկության մեջ» ծրագիրը Եվրոպայի խորհրդի և Հայաստանի Հանրապետության առաջին համագործակցությունն է կենսաբժշկության ոլորտում:

Դասընթացի կազմակերպիչները կարևորել են այս ոլորտում մարդու իրավունքների հիմնական սկզբունքների և էթիկայի ստանդարտների վերաբերյալ` իրազեկված համաձայնություն/պացիենտի իրավունքներ, գենետիկական թեստավորում և կենսաբժշկական հետազոտություններ, պալիատիվ խնամք, վերարտադրողական իրավունքներ/էմբրիոնի պաշտպանություն, օրգանների և հյուսվածքների փոխպատվաստում, արյան դոնորություն, բժշկական գաղտնիք, հասարակության իրազեկվածության բարձրացումը, որի երաշխավորը լրատվամիջոցներն են:

Միջոցառման ընթացքում նաև ընդգծվել է, որ պատրաստ են աջակցելու ազգային որոշում կայացնողներին կենսաբժշկության ոլորտում՝  ազգային օրենսդրությունը եվրոպական միջազգային ստանդարտներին մոտեցնելու հարցում:

Դասընթացը շարունակվելու է առցանց եղանակով` շուրջ 8 շաբաթ տևողությամբ, որի նպատակն է բարձրացնել լրագրողների իրազեկվածության մակարդակը կենսաբժշկության ոլորտում մարդու իրավունքների հիմնական սկզբունքների վերաբերյալ և հնարավորություն տալ՝ կիրառելու իրենց ամենօրյա աշխատանքում:

Հարցեր, պատասխաններ, մեկնաբանություններ