Իրադարձություններ Հայաստանում
Հուլիսի 25-ին տեղի ունեցավ «COVID համավարակ – քաղած դասեր» խորագրով առցանց գիտաժողովը
Հուլիսի 25-ին, Երևանի ժամանակով 13:30-ին Մասնագիտական զարգացման միջազգային կենտրոն` ICPD-ի նախաձեռնությամբ տեղի ունեցավ «COVID համավարակ – քաղած դասեր» խորագրով առցանց գիտաժողովը:
Գիտաժողովը նախատեսված էր բժիշկների և առողջապահության ոլորտի մասնագետների համար` ստանալու այս համավարակի վերաբերյալ այդքան անհրաժեշտ տեղեկատվությունը:
Առցանց գիտաժողովին մասնակցեցին ավելի քան 1500 մասնակից աշխարհի ավելի քան 15 երկրներից՝ Հայաստանի և Արցախի ողջ տարածքից, ԱՄՆ տարբեր նահանգներից, Կանադայից, Եվրոպայի բազմաթիվ երկրներից, Հնդկաստանից, Ռուսաստանից, Ուկրաինայից, Սաուդյան Արաբիայից, Իրանից, Լիբանանից և այլ երկրներից:
Գիտաժողովը բաղկացած էր 4 հիմնական մասերից հետևյալ թեմաների վերաբերյալ՝
- COVID- ի էպիդեմիալոգիան
- Մանկաբուժության և հղիության կլինիկական խնդիրները
- Կլինիկական խնդիրներ մեծահասակ հիվանդների մոտ
- Ռեսուրսների բաշխում, վերաբացում և նորարարություն
Միջոցառմանը ելույթ ունեցան հայ առաջատար բժիշկներ ամբողջ աշխարհից, ովքեր կիսվեցին համավարակի դեմ պայքարում իրենց փորձով: Յուրաքանչյուր մասի ավարտին խոսնակները պատասխանում էին մասնակիցներին հուզող կարևոր հարցերին:
Գիտաժողովի մոդերատորներն էին բժշկական ոլորտում հայ առաջատար մասնագետներ ամբողջ աշխարհից:
Միջոցառմանը բացման խոսքով հանդես եկավ Հայաստանում Մասնագիտական զարգացման միջազգային կենտրոնի (ICPD) նախագահ Րաֆֆի Ավետիսյանը՝ ողջունելով և շնորհակալություն հայտնելով բոլորին, առանց ում հնարավոր չէր լինի կազմակերպել գիտաժողովը՝ առանձնահատուկ նշելով ՀՀ Առողջապահության նախարարությանը:
«Մասնագիտական զարգացման միջազգային կենտրոնը (ՄԶՄԿ) ստեղծվել է մի քանի բժիշկների համատեղ ջանքերով, որի նպատակն է առողջապահության ոլորտում բժիշկներին, բժշկագիտության և բժշկակենսագիտական տեխնոլոգիաների մասնագետներին շարունակական գիտելիքներ ու փորձ ապահովել։ Կենտրոնը հասանելի է դարձնում առողջապահության բնագավառում վերջին ձեռքբերումները ինչպես Հայաստանի, այնպես էլ ամբողջ աշխարհի բժշկական մասնագետների համար՝ հիմքում ունենալով այն փաստը, որ գիտելիքը սահմաններ չունի»:
Գիտաժողովի մասնակիցներին ուղերձով դիմեց ՀՀ առողջապահության նախարար Արսեն Թորոսյանը.
«Կորոնավիրուսային համավարակը նոր մարտահրավերներ է նետել աշխարհին և ստեղծել է մի իրավիճակ, երբ այս հիվանդությամբ պայմանավորված՝ աշխարհը պատերազմի մեջ է: Վերջին ամիսներին օրակարգային հարց է դարձել կորոնավիրուսային վարակի դեմ պայքարը, և ամիսներ շարունակ համակարգը լծված է համաճարակին դիմակայելու, ավելի ու ավելի արդյունավետ մեթոդներ կիրառելու, կյանքեր փրկելու և իրավիճակը կայունացնելու գերնպատակին»:
ՀՀ առողջապահության նախարարի հրամանով «Կորոնավիրուսային համավարակ - քաղած դասեր» թեմայով գիտաժողովի մասնակիցներին կշնորհվի ՇՄԶ 4 տեսական կրեդիտ:
Սուրճի ընդմիջումներիի ընթացքում մասնակիցներն ունեցան բացառիկ հնարավորություն «այցելելու» Covid 19-ի թեմայով արվեստի գործերի և բժշկական թեմայով պաստառների վիրտուալ ցուցահանդեսի:
Գիտաժողովի առցանց սուրճի հովանավորն էր «Gmoji Հայաստան» ընկերությունը, որը Հայաստանում գտնվող բոլոր մասնակիցներին և մոդերատորներին օնլայն տարբերակով նվիրեց 1 բաժակ սուրճ:
Գիտաժողովը եզրափակեց Հայաստանում Մասնագիտական զարգացման միջազգային կենտրոնի (ICPD) գործադիր խորհրդի անդամ Արա Բաբլոյանը՝ շնորհակալություն հայտնելով բոլոր մասնակիցներին, խոսնակներին, մոդերատորներին, գործընկերներին մասնակցության, անգնահատելի աշխատանքի, գիտելիքների և այս համավարակի դեմ պայքարում փորձով կիսվելու համար:
«COVID համավարակ – քաղած դասեր» առցանց գիտաժողովի հատուկ հովանավորներն են` Հայ Օգնության Ֆոնդը, Հայ-Ամերիկյան Առողջության կազմակերպությունը (AAHPO), A&A Medical Supply - ը։
Հովանավորները` ՖԱՐՄԵԴ, «Արաբկիր» միացյալ մանկական բարեգործական հիմնադրամ, «Դիավանտ» բժշկական սարքավորումներ և ծառայություններ։
Գործընկերները` ՀՀ առողջապահության նախարարություն, Հայկական բժշկական միջազգային կոմիտեն (AMIC), Med-Practic, Հայ-Ամերիկյան Բժշկական Միությունը (AAMS):
Առցանց գիտաժողովի կազմակերպիչ-գործընկերն է Skill-ը:
Մասնագիտական զարգացման միջազգային կենտրոնի (ICPD) տեսլականն է դարձնել Հայաստանը առողջապահահական գիտության և տեխնոլոգիաների առաջատար տարածաշրջանում: Կենտրոնի նպատակն է տրամադրել ռեսուրսներ բուժաշխատողների, առողջապահության գիտության մասնագետների և կենսաբժշկական տեխնոլոգիաների մասնագետների առողջապահության ոլորտում գիտելիքների և փորձի շարունակական բարելավման համար:
Կենտրոնը ստեղծվել է Արա Բաբլոյանի, Րաֆֆի Ավետիսյանի և Գևորգ Յաղջյանի համատեղ ջանքերով:
«COVID համավարակ – քաղած դասեր» խորագրով առցանց գիտաժողովը մաս է կազմում այն կրթական միջոցառումների շարքի, որը նախաձեռնել է Մասնագիտական զարգացման միջազգային կենտրոնը (ICPD):
Կրթական միջոցառումների շարքը բժիշկների և առողջապահական ոլորտի այլ աշխատակիցների համար է, ովքեր ներկայումս COVID-19 համաճարակի պայմաններում բախվում են մի շարք կլինիկական, կազմակերպչական, ինչպես նաև վարչական խնդիրների:
30.07.2020 Կարդացեք նաև
19.06.2025
07.05.2025
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
Ամուսնական առաջին գիշերը
-
Հղիություն. 2-րդ ամիս
- 4-7 ամսական երեխաների սնուցումը
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Ընկերության մասին
-
Ինչպես ազատվել անցանկալի մազերից
-
Դդում
-
Պարզվում է ապագա երեխայի սեռը կախված է մայրիկի սնունդից
-
Հիվանդություն, որը փոխում է մեր կյանքը` կրծագեղձի քաղցկեղ
-
Կոճապղպեղ՝ նիհարելու համար (կոճապղպեղի թեյ)
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Հղիություն. 1-ին ամիս
-
Չիչխանի օգտակար հատկությունները
-
Երիցուկ դեղատնային - Ромашка аптечная - Matricaria chamomilla L.
-
Քարավուզ (նույն ինքը՝ նեխուր)
-
Հեշտոցային արտադրության պատճառները. մասնագետի անդրադարձը
-
Ինչպես ազատվել բերանի վատ հոտից`պարզ միջոց
-
Կրծքի ցավե՞ր ունեք. ինչ անել
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Խոսենք այդ մասին. ձեռնաշարժություն
-
Հիվանդություն, որի համար պետք չէ ամաչել (թութք)
-
Ընտրություն ըստ հորոսկոպի
-
Հղիությունը և նախապատրաստվելը դրան
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Հղիություն. 9-րդ ամիս
-
Լեղաքարային հիվանդություն. բուժման մեթոդները
- Շաքարային դիաբետի բուժման ժամանակակից մոտեցումները
-
Սեռական թուլության առաջին նախանշանները. news.am
-
Հղիություն. 8-րդ ամիս
-
Ուլտրաձայնային դոպլերոգրաֆիա (երկակի (դուպլեքս) անոթների)
- Ցերվիցիտի (էնդոցերվիցիտի) կլնիկաձևաբանական բնութագիրը (գրական ակնարկ)















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ