Գիտաժողով՝ նվիրված ռադիոլոգիական առաջատար հետազոտություններին. erebunimed.com

«Էրեբունի» ԲԿ-ում տեղի է ունեցել հերթական գիտաժողովը՝ այս անգամ նվիրված ռադիոլոգիական առաջատար հետազոտություններին: ՄՌՏ բաժանմունքի ռադիոլոգ Մերի Դավթյանը ներկայացրել է մագնիսառեզոնանսային խոլանգիոգրաֆիայի դերը լեղուղիների հիվանդությունների ախտորոշման մեջ, իսկ համակարգչային տոմոգրաֆիայի բաժանմունքի ռադիոլոգ Հայկ Սիմոնյանը ներկայացրել է ԿՏ հետազոտության դերը աղիքային անանցանելիության ժամանակ: Բժիշկները գործընկերներին են ներկայացրել այս հետազոտությունների կատարման նորագույն մոտեցումները, ինչպես նաև «Էրեբունի» ԲԿ ռադիոլոգիական կենտրոնի հնարավորությունները:

Անդրադառնալով մագնիսառեզոնանսային խոլանգիոպանկրեատոգրաֆիայի մեթոդին՝ Մերի Դավթյանը նշել է մի քանի առավելություններ: Մագնիսառեզոնանսային խոլանգիոգրաֆիան Լեղուղիների ոչ ինվազիվ միջամտություն է
 

Հետազոտությունն անվտանգ է, չունի ճառագայթային բեռնվածություն՝ կարող է կիրառվել նույնիսկ հղիների և երեխաների հետազոտությունների համար: Իրականացման համար կոնտրաստ նյութի անհրաժեշտություն չկա /լեղին հանդիսանում է բնական կոնտրաստ/։

Հետազոտությունը կարող է իրականացվել այն պացիենտների դեպքում, որոնց նպատակահարմար չեն ինվազիվ մեթոդների կիրառումը, օրինակ, սիրտ-անոթային խնդիրների դեպքում

Հայկ Սիմոնյանն էլ ներկայացրել է աղիքային անանցանելիության ախտորոշման առանձնահատկությունները համակարգչային տոմոգրաֆիայի միջոցով: Աղիքային անանցանելիությունը վիճակ է, որը պայմանավորված է աղիքային պարունակության տեղաշարժի խանգարմամբ։ Այն ինքնուրույն հիվանդություն չէ, այլ համարվում է այլ հիվանդությունների հետևանք:

Բազմաշերտ համակարգչային տոմոգրաֆիան աղիքային անանցանելության ախտորոշման լավագույն մեթոդն է համարվում ամբողջ աշխարհում:

• Այն արագ, ոչ ինվազիվ մեթոդ է
• Ունի բարձր սպեցիֆիկություն և զգայունություն անանցանելիության մակարդակը հայտնաբերելու հարցում
• Թույլ է տալիս հայտնաբերել ոչ միայն անանցանելիության պատճառը, այլ նաև գնահատել պատի սնուցումը (իշեմիա / նեկրոզ), անոթները, առկա և սպասվող բարդությունները
• Ազատ գազի հայտնաբերում, որովայնամզի գնահատում
• Կարևոր դեր ունի բուժման եղանակի ընտրության հարցում (կոնսերվատիվ/ վիրաբուժական)

«Էրեբունի» ԲԿ-ում ռադիոլոգիական կենտրոնի ղեկավար Նաիրա Մինասյանի գլխավորությամբ նորագույն այս մեթոդները հաջողությամբ կիրառվում են տեւական ժամանակ՝ հնարավորություն տալով բժիշկներին ընտրել հիվանդության բուժման լավագույն մոտեցումները: Ռադիոլոգիական կենտրոնի տեխնիկական զինվածությունը հնարավորություն է տալիս կատարել նորագույն բոլոր ախտորոշիչ հետազոտությունները:

Հարցեր, պատասխաններ, մեկնաբանություններ