ԵՊԲՀ. Բուժքույրերը 2020-ը հռչակել են առողջ ապրելակերպի տարի

Միքայելյան համալսարանական հիվանդանոցում այսօր «Բուժքույրերի միավորում» հասարակական կազմակերպությունն անցկացրեց 2020 թվականի առաջին հանդիպումը, որի ընթացքում անդամների կողմից հաստատվեց այս տարվա գործունեության ծրագիրը: Բուժքույրերը 2020-ը հռչակել են առողջ ապրելակերպի տարի:

«Բուժքույրերի միավորում» հասարակական կազմակերպության ռազմավարության համաձայն՝ ՀՀ մարզերը, որտեղ գործում են կազմակերպության մասնաճյուղերը, կշարունակեն մնալ ուշադրության կենտրոնում: Կրթական ծրագրերին զուգահեռ՝ այս տարի կլինի նորարություն՝ սկրինինգային ծրագիր, որի շրջանակում մարզերում, մարդաշատ վայերում կիրականացվեն արյան ճնշման և շաքարի մակարդակի չափման ակցիաներ:

Շնորհակալության հայտնելով ԵՊԲՀ ղեկավարությանը բուժքույրերի կողմից իրականացվող ծրագրերին մշտապես աջակցելու համար նշվեց՝ քանի որ տարին բուհի համար հոբելյանական է, նախատեսված բոլոր միջոցառումները կնվիրվեն համալասրանի 100-ամյակին: Ամբողջ տարվա համար նախատեսված են միջոցառումներ, որոնք հիմնականում կանցկացվեն մարզերում: Քանի որ «Բուժքույրերի միավորում» հասարակական կազմակերպությունը կարևորում է փորձի փոխանակման, վերապատրաստման ծրագրերը, Եվրոպական բուժքույրական ասոցիացիայի հետ համագործակցության շրջանակում՝ ՀՀ բուժքույրերի ասոցիացիայի նախագահ Գեղանուշ Ստեփանյանը մարտին կմասնակցի ՌԴ-ում կայանալիք 2020 թվականի բուժքույրական ծրագրերի ֆորումին՝ ներակայացնելով միավորման ծրագրերը: Այն հիանալի առիթ է տեղեկանալ եվրոպական բուժքույրերի առաջադեմ ծրագրերին և լավագույն փորձը ներդնել Հայաստանում: Հանդիպման ընթացքում ընդգծվեց նաև բուժքույրերի կատարելագործան դասընթացների կարևորության մասին, ինչպես նաև քննարկվեցին ոլորտին վերաբերող մի շարք հարցեր:

Հարցեր, պատասխաններ, մեկնաբանություններ