Ամփոփվեց «Առողջապահություն և դեղագործություն Expo 2019» 18-րդ միջազգային մասնագիտացված ցուցահանդեսը

Ամփոփվեց հոկտեմբերի 25-27-ը Երևանում անցկացված LOGOS EXPO Center ցուցահանդեսային ընկերության եւ ՀՀ առողջապահության նախարարության համատեղ` «Առողջապահություն եւ Դեղագործություն EXPO 2019» 18-րդ միջազգային ցուցահանդեսը:

ՀՀ-ում ՌԴ առևտրային պալատի ներկայացուցիչ Անդրեյ Բաբկոն կարևորել է ցուցահանդեսը` փոխադարձ ճանաչողության տեսանկյունից:

«Ողջունում եմ ցուցահանդեսի բոլոր մասնակիցներին: Կարևոր եմ համարում այս գործակցությունը մեր երկրների միջև, քանի որ նոր հնարավորություններ է բացվում համատեղ արտադրական ծրագրեր մշակելու հարցում»:

Դեղերի և բժշկական տեխնոլոգիաների փորձագիտական կենտրոնի տնօրեն Լևոն Մելիքյանն իր խոսքում ասաց.

«Առողջապահության գերխնդիրներից է ապահովել ազգաբնակչությանը որակյալ դեղորայքով և բժշկական արտադրությամբ: Ուստի` ավելի քան 15 տարի LOGOS EXPO Center ցուցահանդեսային ընկերության հետ համատեղ, «Առողջապահություն և Դեղագործություն EXPO-ն իր դռներն է բացում մեր ազգաբնակչության,  բիզնես սեկտորի համար և ստեղծում յուրահատուկ հարթակ, որտեղ կա հնարավորություն լավագույն մասնագիտական գործունեություն ծավալող ընկերություններին ներկայացնել իրենց արտադրանքը, նորարական տեխնոլոգիաները, ինչը շատ ողջունելի է ԱՆ կողմից:

Այսօր բազմաթիվ օրենսդրական փոփոխությունների հետ մեկտեղ ողջունում ենք նաև այսպիսի միջոցառումները, որոնք ի ցույց են դնում թե՛ մեր և թե՛ արտասահմանյան գործընկեր-երկրների արտադրանքը` ի շահ մեր ազգաբնակչությանը,  առողջության բարելավմանը»: 

Հարցեր, պատասխաններ, մեկնաբանություններ