Կլոր սեղան` «Առողջապահական հարթակ՝ տեղական կարիքներից մինչև գլոբալ հեռանկարներ» թեմայով. 5imca.am

Հայաստանի 5-րդ միջազգային բժշկական համագումարի կլոր սեղան քննարկման թեման «Առողջապահական հարթակ՝ տեղական կարիքներից մինչև գլոբալ հեռանկարներն» էր։ Քննարկման համանախագահներ Շանթ Շեխերդիմյանն ու Արմեն Ուրուջյանը կիսվեցին համագումարի կարևորության և առողջապահական հարթակների ձևավորման անհրաժեշտության մասին` իրենց կարծիքներով:

Կալիֆորնիայի համալսարանի (UCLA) պրոֆեսոր, հայտնի մանկական վիրաբույժ Շանթ Շեխերդիմյանը ներկայացրեց քննարկման ընթացքում հնչեցված կարևորագույն մտքերը.

«Խոսեցինք գաղափարների մասին, որոնք նորարարկան են Հայաստանի առողջապահության ոլորտի համար և որոնք ներդրումներ են ենթադրում։ Մենք կենտրոնացանք ոչ թե ներհայաստանյան խնդիրների վրա, այլ փորձեցինք Հայաստանը նորարար, ստեղծող, առողջապահության ոլորտում միջազգային նշանակության լուծումներ առաջարկող երկիր դարձնելու տեսլական առաջ բերել»,-  նշեց պրոֆեսորը։



Խոսելով քննարկված առանցքային կետերի մասին՝ նա նշեց. «կարծում եմ այսօր ունեցանք շատ արդյունավետ քննարում։ Ամենաառանցքային հարցերից մեկը Հայաստանը կրթության և գիտության կենտրոն դարձնելն էր։ Մենք պետք է կամաց-կամաց ստեղծենք միջազգային համբավ, որպեսզի մարդիկ գան այստեղ` առողջապահության, բժշկության ոլորտներում կրթվելու։ Հայաստանը պետք է դարձնել բժշկական հետազոտման կենտրոն, մի վայր, որտեղ հնարավոր է ստեղծել տեխնոլոգիաներ։



Քննարկման համանախագահներից Արմեն Ուրուջյանը շեշտեց համաժողովի կարևորությունը՝ մտքերի փոխանակման հնարավորության ստեղծման կոնտեքստում։ Վերջինիս համար շատ կարևոր էր, որ մասնագետները ճանաչեն միմյանց և միասին ծրագրեր նախագծեն։



«Հայ բժշկագիտությունը միայն Հայաստանի սահմաններում չէ, մասնագետներից շատերը դրսում են,- նշեց նա՝ հավելելով. «նախանցած տարի Բոստոն քաղաքում սեմինար էր կազմակերպվել, որի ժամանակ հավաքվել էին մոտավորապես 100 հայ մասնագետներ: Պատկերացրեք, թե ինչ կարող է լինել, եթե այդ ուժերը համատեղ կիրառվեն՝ ի նպաստ Հայաստանում գիտության և բժշկության զարգացման։

Հարցեր, պատասխաններ, մեկնաբանություններ