Ստոմատոլոգիայի արդի խնդիրները քննարկվեցին Հայ բժիշկների միջազգային 5-րդ համագումարի շրջանակում. 5imca.am

Հայ բժիշկների միջազգային 5-րդ համագումարի շրջանակում հայաստանաբնակ և սփյուռքի հայ ստոմատոլոգները քննարկեցին ոլորտին առնչվող խնդիրները՝ անդրադառնալով բուժման նորարարական մեթոդներին:

ՀՀ գլխավոր մանկական ստոմատոլոգ, բժշկական գիտությունների դոկտոր Հրանտ Տեր-Պողոսյանն, ամփոփելով քննարկումները, նշեց, որ զեկույցները վերաբերում էին սոտմատոլոգիայի արդի խնդիրներին, թեմաների մի մասը վերաբերում էր օրթոդոնտիային:  Քննարկվեցին նաև դիմածնոտային համակարգի ֆունկցիոնալ խանգարումների ժամանակակից բուժման մեթոդներին, երեխաների մոտ առաջացող շնչառական խնդիրներին և դրանցից բխող բարդություններին վերաբերող թեմաներ:

Հ. Տեր-Պողոսյանի խոսքով՝ Ռուսաստանից հրավիրված մասնագետը խոսեց խոտաբույսերով հագեցած հատուկ դեղորայքով բուժան մասին:

ԵՊԲՀ մանկական ստոմատոլոգիայի և օրթոդոնտիայի ամբիոնի դոցենտ, բ.գ.թ Միքայել Նալբանդյանը, խոսելով թեմայի մասին, կարևորեց, որ ընդհանուր ստոմատոլոգները տիրապետեն օրթոդոնտիկ որոշակի միջամտությունների:

«Խոսքը ոչ թե լիարժեք օրթոդոնտիկ բուժման մասին է, այլ որոշակի միջոցառումների մասին է՝ վիրաբուժական միջամտություններ, օրթոդոնտիկ տեխնիկայի տեղադրում, հեռացում և ոչ միայն: Կարևոր է, որ օրթոդոնտի և ընդհանուր պրոֆիլի մասնագետների միջև համագործակցությունը բարձր մակարդակի վրա լինի»,- նշեց Նալբանդյանը:

Հարցեր, պատասխաններ, մեկնաբանություններ