Հայաստանի հինգերորդ բժշկական համագումարում քննարկվեցին սրտանոթային վիրաբուժությանն առնչվող թեմաներ. 5imca.am

Զեկույցի համանախագահներից Արա Անանյանը նշեց. «Համագումարների զեկույցների մեծ մասը կոնկրետ դեպքերի քննարկումն էր: Դրա հետ մեկտեղ, թեմաները կենտրոնացված էին սրտի բնածին և ձեռքբերովի արատների շուրջ: Այս կոնտեքստում փորձում ենք տեսնել՝ ինչպիսին է համաշխարհային փորձը: Իսկ փորձը ցույց է տալիս, որ միջամտությունից հետո բազմակոմպոնենտ հիվանդությունների պարագայում արդյունքները կարելի է բարելավել՝ ընտրելով բուժման ճիշտ ռազմավարություն:

Անտոնյանի խոսքով՝ զեկույցի ընթացքում բանախոսները կենտրոնացել են փականային հիվանդությունների, սրտի իշեմիկ հիվանդությունների, աթերոսկլերոզի մյուս դրսևորման՝ բազկագլխային զարկերակների հիվանդությւոնների վրա, որոնք հանգեցնում են ուղեղային խնդիրների, ինսուլտենրի:

Մարոզովսկի հիվանդանոցի սրտային վիրաբուժության բաժանմունքի պրոֆեսոր Միխայիլ Աբրահամյանը, խոսելով մանկական սրտային վիրաբուժության մասին, նշում է, որ վիրահատությունների մեծ մասն այժմ իրականացվում են երեխայի կայնքի առաջին ամսում: Աբրահամյանի խոսքով՝ համաձայն վիճակագրության, նորածինների մեկ տոկոսը ծնվում է սրտային խնդիրներով, իսկ իրենց հիմնական գործը այս երեխաների կյանքի որակի բարելավումն է:

Աբրահամյանը կարևորեց գործընկերների հետ փորձի փոխանակումը, նշելով՝ Հայաստանում սրտային վիրաբուժության ոլորտում մեծ ձեռքբերումներ կան:

Հարցեր, պատասխաններ, մեկնաբանություններ