«Էրեբունի» ԲԿ եւ Ռեւմատոլոգների հայկական ասոցիացիայի համագործակցությամբ կայացել է ռեւմատոլոգների 5-րդ ազգային գիտաժողովը. erebunimed.com

Միջոցառմանը մասնակցել է Եվրոպայից, Ռուսաստանից, ինչպես նաեւ Հայաստանի տարբեր բուժհաստատություններից շուրջ 120 բժիշկ: Նիդեռլանդների, ռուսական եւ ուկրաինական հեղինակավոր բժշկական կենտրոններից եւ ասոցիացիաներից ժամանած հյուրերը ներկայացրել են ռեւմատոլոգիայի արդիական խնդիրները, ինչպես նաեւ բժշկության այս ճյուղի վերջին ձեռքբերումները եւ կլինիկական ժամանակակից ուղեցույցները: Հանրապետության տարբեր մարզերի ընտանեկան բժիշկների եւ թերապեւտների համար արտասահմանցի մասնագետների հետ առաջատար երկրների փորձի քննարկումը լավ հնարավորություն է:

Ըստ վիճակագրության՝ երկրագնդի բնակչության 20%-ը հենաշարժիչ համակարգի տարաբնույթ ախտաբանություններ ունի, որոնք էապես նվազեցնում են կյանքի որակը և կարող են բերել ծանր հաշմանդամության: «Էրեբունի» ԲԿ ռեւմատոլոգիական բաժանմունքը հանրապետության առաջատար բաժանմուքնենրից մեկն է, որտեղ իրականացվում է հենաշարժիչ համակարգի բորբոքային և դեստրուկտիվ ախտահարումներով հիվանդությունների ախտորոշում և բուժում: Յուրաքանչյուր տարի ռևմատոլոգիայի բաժանմունք է ընդունվում շուրջ 600 հիվանդ: Ախտորոշումն իրականացվում է ժամանակակից բժշկական սարքավորումների կիրառմամբ, ցուցաբերվում բազմամասնագիտական խորհրդատվական օգնություն: Հիվանդների բուժումն իրականացվում է միջազգային չափանիշներին համապատասխան՝ ռևմատոլոգիայի բնագավառում նորագույն և առավել արդյունավետ մեթոդաբանության ու ձեռքբերումների կիրառմամբ:

Հարցեր, պատասխաններ, մեկնաբանություններ