Անհետաձգելի բուժօգնության ծառայությունը սկսում է դասընթաց-քննարկումների ծրագիր. erebunimed.com

Անհետաձգելի բուժօգնության ծառայության աշխատանքն առավել որակյալ եւ արդյունավետ   դարձնելու նպատակով  ընդունարանի բժիշկներն ամեն շաբաթ կմասնակցեն հատուկ դասընթաց-քննարկումների: Համաշխարհային հաջող փորձը «Էրեբունի» ԲԿ-ում ներդնելու նպատակով ընդունարանի մասնագետները  դասընթացների եւ կոնֆերանսների կմասնակցեն նաեւ արտերկրում:  Հայտնի է, որ յուրաքանչյուր բուժկենտրոնում հենց ընդունարանն է իր վրա վերցնում հիվանդին առաջինը բուժօգնությկուն ցուցաբերելու պատասխանատու աշխատանքը:  Իսկ «Էրեբունի» ԲԿ դիմած հիվանդների մեծ մասը առողջական մի շարք խնդիրներ ունի,  ուստի նրանց բուժօգնություն ցուցաբերելու համար ընդունարանի բժիշկների մասնագիտական մշտական զարգացումը խիստ կարեւոր է:

Ամեն շաբաթ   դասընթացների  ընթացքում կքննարկվեն  այդ օրերի ամենաբարդ դեպքերը, կուսումնասիրվի  այս ոլորտում աշխարհի առաջատար երկրների փորձը,   կլինեն դասախոսություններ ինչպես առաջին ահնրաժեշտության դեղորայքի կիրառման, այնպես էլ ախտորոշիչ մեթոդների  մասին:

Այս ծրագրի շրջանակում առաջին  դասախոսությությունը կարդացել է «Էրեբունի» ԲԿ անհետաձգելի բուժօգնության ծառայության ղեկավարը` Արմինե Սանամյանը:

Բժիշկների մասնագիտական հմտությունների շարունակական զարգացումը եւ  անհետաձգելի բուժօգնության ծառայության էլ ավելի արդյունավետ աշխատանքը «Էրեբունի» ԲԿ ղեկավարության համար սկզբունքային է: Դրանով հնարավոր կլինի էլ ավելի արագ եւ որակյալ  առաջին  օգնություն ցուցաբերել բժշկական կենտրոն դիմողներին:

Հարցեր, պատասխաններ, մեկնաբանություններ