Հայ-ռուսական առողջապահական 4-րդ համաժողովին մասնակցում է «Իզմիրլյան» ԲԿ պատվիրակությունը. izmirlianmedicalcenter.com

2014 թվականից ի վեր Հայաստանի և Ռուսաստանի միջև առողջապահության բնագավառում համագործակցությունը սկսել է ամրապնդվել նոր համատեղ նախաձեռնությամբ` հայ-ռուսական առողջապահական համաժողովների ամենամյա անցկացումով:

Առաջին համաժողովը կազմակերպվել է 2014թ. Երևանում, երկրորդը` 2015թ.` Մոսկվայում, երրորդը` 2017թ`. կրկին Երևանում:

Դեկտեմբերի 7-ին Ռուսաստանի Դաշնության մայրաքաղաքի մերձակա Օբնինսկ քաղաքում տեղի է ունենում հերթական` Հայ-ռուսական առողջապահական 4-րդ համաժողովը: Առողջապահության նախարարի պաշտոնակատար Արսեն Թորոսյանի գլխավորած պատվիրակության կազմում են նաև «Իզմիրլյան» ԲԿ տնօրեն Արմեն Չարչյանը և ուրոլոգիայի բաժանմունքի վարիչ Արթուր  Գրաբսկին:

Հերթական` 4-րդ համաժողովի ընթացքում,  տեղի է ունենալու երկրների առողջապահության նախարարների երկկողմ հանդիպում` լայն համագործակցության ներկայիս քայլերի ընթացքը քննարկելու և նոր պայմանավորվածություններ ձեռք բերելու նպատակով:

Հարցեր, պատասխաններ, մեկնաբանություններ