Երևանում կայացավ երկրորդ միջազգային մաշկավեներաբանական գիտագործնական կոնֆերանսը

Օրերս Երևանում կայացավ ՀՀ ԱՆ Մաշկաբանության և ՍՎ ԲԳԿ և Մաշկավեներաբանների հայկական ասոցիացիայի կողմից կազմակերպված Երկրորդ միջազգային մաշկավեներաբանական գիտագործնական կոնֆերանսը:

Կոնֆերանսը բացեց ՀՀ ԱՆ Մաշկաբանության և ՍՎ ԲԳԿ տնօրեն, կոնֆերանսի նախագահ դոց. Մ. Սահակյանը: Մասնակիցներին ողջունեց Մաշկավեներաբանների հայկական ասոցիացիայի նախագահ Ա. Մկրտիչյանը: Ելույթ ունեցան ՀՀ առողջապահության փոխնախարար Ս. Խաչատրյանը, ով կարևորեց նմանատիպ միջոցառումների դերն առողջապահության զարգացման գործում, իսկ ԵՊԲՀ հետբուհական և շարունակական կրթության գծով պրոռեկտոր Գ. Ավետիսյանը, ողջունելով մասնակիցներին, շեշտեց երիտասարդների համար գիտական կոնֆերանսների կրթական դերը:

Կոնֆերանսին զեկույցներ են ներկայացրել առաջատար մասնագետներ, գիտնականներ Հայաստանից, Վրաստանից, Ռուսաստանի Դաշնությունից, Ուկրաինայից և Էստոնիայից: Այդ մասին մեզ հետ զրույցում ասաց ՀՀ ԱՆ Մաշկաբանության և ՍՎ ԲԳԿ տնօրեն, կոնֆերանսի նախագահ դոցենտ Միքայել Սահակյանը․

«Պետք է ասեմ, որ հետաքրքրությունը գիտաժողովի հանդեպ բավական մեծ էր և ո՛չ միայն մաշկավենարաբանների կողմից, այլ նաև ուրոլոգների, գինեկոլոգների, ընտանեկան բժիշկների, անգամ պլաստիկ վիրաբույժների շրջանում կար ակտիվություն։ Այսօր զարգացման տեմպերին զուգահեռ, մաշկաբանությունն էլ չի կարող առաջ քայլել միայնակ։ Անհրաժեշտ է բազմակողմանի մտածողություն, մոտեցում՝ բուժական առումով։

Համոզված եմ, որ այս ելույթները ո՛չ միայն օգտակար կլինեն պրակտիկ բժիշկների համար, այլ նաև կստեղծվեն միջազգային բանախոսների հետ կապեր, և դա իր պտուղները կտա հետագայում՝ հանրապետությունում մաշկաբանության ծառայության զարգացման և նոր որակական չափանիշներ գրանցելու հարցում»։

Հարցեր, պատասխաններ, մեկնաբանություններ