«Նորք Մարաշ» բժշկական կենտրոնում էր հանրահռչակ մանկական սրտային վիրաբույժ Քրիստինե Ջերրի Գյուլեսերյանը

Սեպտեմբերի 29-ին  «Նորք-Մարաշ» ԲԿ-ում նշվեց Սրտի միջազգային օրը: Միջոցառումը կազմակերպվել էր ի պատիվ «Նորք-Մարաշ» ԲԿ հրավերով Հայաստան ժամանած համաշխարհային ճանաչում ձեռք բերած սրտի վիրաբույժ Քրիստինե Ջերրի Գյուլեսերյանն` ԱՄՆ-ից, ով հսկայական փորձ ունի սրտի վիրաբուժության բնագավառում: Նա 2007թ. առաջինն է աշխարհում, ով սրտի փոխպատվաստում է կատարել ամենափոքր պացիենտին` երեխան ընդամենը մեկ շաբաթական էր: Վիրաբույժն աշխարհում առաջինն է կատարել ամենափոքր հիվանդին սրտի ռիթմը վարող սարքի իմպլանտացիա` 32 շաբաթվա վաղաժամ ծնված, 2 կգ-ից պակաս քաշով երեխայի: Այցի նպատակն է գործընկերներին փոխանցել ոլորտի լավագույն և առաջադեմ փորձը, կիսվել իր մասնագիտական կարողություններով ու հմտություններով: Քրիստինե Ջերրի Գյուլեսերյանը մեզ հետ զրույցում մասնավորապես նշեց.

«Զբաղվում եմ մանկական սրտային վիրաբուժությամբ: Ինձ հետ Հայաստան են ժամանել նաեւ հեղինակավոր բժիշկներ, ովքեր զբաղվում են սրտային վիրաբուժությամբ: Նրանք իրենց գիտելիքներն ու փորձը կփոխանցեն հայաստանյան բժիշկներին: Հայաստան ժամանած բժիշկները բաց են մասնագիտական համագործակցության համար: Սիրով համագործակցենք փորձի փոխանակմամբ եւ պրակտիկ այցելություններով»:

Միջոցառմանը ներկա էին պատվիրակներ առողջապահության նախարարությունից, Երեւանի քաղաքապետարանից, ԵՊԲՀ ռեկտորը, ոլորտի բժիշկներ, պրոֆեսորներ եւ ուսանողներ:  Հատկանշական է նաև, որ Սրտի միջազգային օրը հիմք դրվեց «Նորք» Մարաշ» ԲԿ եւ  ԵՊԲՀ սրտային վիրաբուժության ամբիոնի համագործակցությանը, որի  նպատակն է կենտրոնը դարձնել  ապագա սրտաբանների վերապատրաստման ու բազային գիտելիքների ձեռք բերման հաստատություն: 

Սրտի միջազգային օրվան նվիրված միջոցառումը մեկնարկվեց «Նորք Մարաշ» ԲԿ տնօրեն Միքայել Ադամյանի ողջույնի խոսքով:

Պարոն Ադամյան «Նորք Մարաշ» ԲԿ գործունեության ընթացքում ի՞նչ  ձեռքբերումներ են գրանցվել եւ  ինչո՞վ է կարևորվել Սրտի միջազգային օրվան նվիրված միջոցառման կազմակերպումը:

Միջոցառումը կազմակերպվել էր ի պատիվ աշխարհում ճանաչված սրտի վիրաբույժ Քրիստինե Ջերրի Գյուլեսերյանի այցի, ով կենտրոնի հրավերով Հայաստանում է և պատրաստակամ է իր գիտելիքներն ու փորձը կիսել հայրենակից գործընկերների հետ և դասախոսություն կարդալ: Առիթ է նաև այն, որ այս տարի «Նորք Մարաշ» բժշկական կենտրոնի համար հոբելյանական է` լրացել է գործունեության 25 տարին: Այդ ընթացքում կենտրոնը բազմիցս ապացուցել է, որ Հայաստանում սրտի վիրաբուժության ոլորտում լավագույնն է:

Բժշկուհի Գյուլեսերյանը հսկայական փորձ ունի սրտի վիրաբուժության բնագավառում: Նա 2007թ. առաջինն է աշխարհում սրտի փոխպատվաստում կատարել ամենափոքր պացիենտին` երեխան ընդամենը մեկ շաբաթական էր: Վիրաբույժն աշխարհում առաջինն է կատարել ամենափոքր հիվանդին` 32 շաբաթվա վաղաժամ ծնված, 2 կգ-ից պակաս քաշով երեխային, սրտի ռիթմը վարող սարքի իմպլանտացիա: Սրտաբան Հրայր Հովակիմյանի կողմից մեր կենտրոնին է նվիրաբերվել սիրտ-անոթային բարդ վիրահատությունների համար նախատեսված բժշկական  համապատասխան  սարք, որը մի նոր որակ կհաղորդի Հայաստանում սրտային վիրաբուժության զարգացմանը:

«Նորք-Մարաշ» կենտրոնը վերազինված է լավագույն բժշկական սարքերով, օրինակ, սրտի խորը շերտերը զննելու եզակի ՀՇ, սրտի առիթմիաների զննման մեծ հնարավությամբ առիթմիոլոգիական սարքեր, նույնիսկ հնարավոր է առանց ռենտգեն հսկողության կատարել սրտի քարտեզագրում եւ հայտնաբերել ախտահարված օջախները: Սարքով աշխատելու համար շուրջ մեկ տարի մեր մասնագետը վերապատրաստվել է Չեխիայում: Այն հատկապես արդյունավետ է հղիների եւ երեխաների դեպքում՝   նրանց ճառագայթումից զերծ  պահելու համար: Սարքն իր հնարավորություններով  միակն է տարածաշրջանում:

Սրտի միջազգային օրվան նվիրված միջոցառմանը ելույթով հանդես եկավ նաեւ ԵՊԲՀ ռոկտոր Արմեն Մուրադյանը:

Պարոն Մուրադյան, ԵՊԲՀ եւ «Նորք Մարաշ» բժշկական կենտրոնի հետ համագործակցության ի՞նչ հեռանկարներ կան:

-«Նորք Մարաշ» բժշկական կենտրոն այցելել ենք խորհրդանշական օր:  Այս կենտրոնի եւ ԵՊԲՀ սրտային վիրաբուժության ամբիոնի հետ համագործակցության նոր փուլ է մեկնարկվում:  Այս կենտրոնը տարիներ շարունակ համարվել է  դարբնոց, այսօր պետք է ապրի իր ռենեսանսը եւ ժամանակակից  կադրերի պատրաստումը լինի միջազգային չափանիշներին համահունչ: Անհրաժեշտ է այստեղ վերապատրաստված բժիշկերն  իրենց մասնագիտական հնարավորություններով կարողանան աշխատել ո՛չ միայն  Հայաստանում, այլ նաեւ արտերկրում:

Մանկական պրակտիկայի մասնագիտության հետ կապված ԵՊԲՀ-ն ինչպիսի՞ նոր մենեջմենթ է ընտրել: 

-Բժշկական ոլորիտին առնչվող բոլոր մանկական մասնագիտություններն իրենց տեսակով  ծանր են ու բարդ   եւ ԵՊԲՀ-ն  որոշում է  կայացրել մատչելիությունը բարձրացնելու, գրավչությունն ապահովվելու համար 50% նվազեցնել ռեզիդենցիայի ուսման վարձը:

Հարցեր, պատասխաններ, մեկնաբանություններ