ԼՂՀ ԱՆ. Կարինե Աթայանն ընդունել է ավստրիահայ անոթաբան Արա Ուղուրլյանին

Արցախի Հանրապետության առողջապահության նախարար Կարինե Աթայանը մայիսի 18-ին ընդունել է Ավստրիայի Զալցբուրգ քաղաքից ժամանած մեր հայրենակից անոթաբան Արա Ուղուրլյանին: Հայտնի անոթաբանը մայիսի 16-18-ը Արցախում իրականացրել է ազգաբնակչության անվճար անոթային խորհրդատվություններ:
  

Հիշեցնենք, որ 2016թ. դեկտեմբեր ամսում բժիշկ Արա Ուղուրլյանը տեղի մասնագետների հետ համատեղ Արցախում առաջին անգամ կատարել է անոթային վիրահատություններ՝ էնդովասկուլյար եղանակով:
 

Հանդիպման ավարտին նախարարը իր երախտագիտությունն է հղել ավստրիացի բժշկին նրա կողմից իրականացվող աշխատանքների, փորձի և հմտությունների փոխանակման համար և հույս հայտնել, որ համագործակցությունը կկրի շարունակական բնույթ:Կարինե Աթայանը հյուրին խորհրդանշական նվեր է հանձնել:

Հարցեր, պատասխաններ, մեկնաբանություններ