ՄԵԴՏԵԽՍԵՐՎԻՍ և PHILIPS ընկերությունները ներկայացնում են նոր անգիոգրաֆիկ սարքավորում

ՄԵԴՏԵԽՍԵՐՎԻՍ ընկերությունը բժշկական սարքավորումների մատակարարման ոլորտում  շուրջ 30 տարվա փորձ ունեցող  պրոֆեսիոնալ կազմակերպություն է և հանդիսանում է միջազգային մի շարք հանրաճանաչ ընկերությունների միակ և պաշտոնական ներկայացուցիչը Հայաստանում, այդ թվում նաև աշխարհահռչակ Philips Medical Systems ընկերության պաշտոնական գործընկերը  Հայաստանում:

ՄԵԴՏԵԽՍԵՐՎԻՍ-ը՝ հանդիսանալով PHILIPS MEDICAL SYSTEMS (NETHERLANDS) ընկերության ՀՀ պաշտոնական գործընկերը, և հաշվի առնելով բժշկական կենտրոններում անգիոգրաֆիկ համակարգերի հանդեպ աճող պահանջարկը, Հայկական ինտերվենցիոնալ սրտաբանության և ներանոթային վիրաբուժության հայկական ասոցիացիայի և ՀՀ ԱՆ հետ համատեղ, կազմակերպել է կլինիկական կոնֆերանս «Սրտի իշեմիկ հիվանդության ախտորոշման և բուժման լավագույն պրակտիկաներ» թեմայով: Կոնֆերանսին ներկա էին ինչպես Philips ընկերության մեծ պատվիրակթյունը, այնպես էլ առաջատար բժիշկ-սրտաբաններ Հայաստանից և ՌԴ-ից:

 Բացման խոսքով հանդես եկավ «Էրեբունի» ԲԿ  անհետաձգելի սրտաբանության բաժանմունքի ղեկավար Համլետ Հայրապետյանը, ողջույնի խոսքով ելույթ եկավ և վերջին ձեռքբերումներով կիսվեց ինտերվենցիոնալ սրտաբանության և ներանոթային վիրաբուժության հայկական ասոցիացիայի նախագահ, «Քանկոր» ԲԿ տնօրեն Շահեն Խաչատրյանը: Մոսկվայի մարզի ԱՆ գլխավոր ռենտգենվիրաբույժ, Ռեուտով քաղաքի Կենտրոնական Քաղաքային Կլինիկական Հիվանդանոցի Ռենտգենվիրաբուժության դիագնոստիկայի և բուժման մեթոդների բաժնի վարիչ Ռոման Գոլոշյապով-Աքսյոնովը ներկայացրեց խնդրահարույց կլինիկական դեպքերը: Կոնֆերանսին ներկա էին նաև ՌԴ ԱՆ ՌՍԳԱՀ (РКНПК) ռենտգենոէնդովասկուլյար եղանակով ախտորոշման և բուժման լաբորատորիայի ղեկավար, ինտերվենցիոն սրտաբան, պրոֆեսոր Յուրի Մատչինը, Սամարայի Պետական Բժշկական Համալսարանի կլինիկայի ֆունկցիոնալ և ուլտրաձայնային ախտորոշման բաժանմունքի վարիչ՝ Օլգա Տերեշինան և այլ ճանաչված մասնագետներ:

Կոնֆերանսի ընթացքում իրենց ելույթներով ներկայացան Philips ընկերության ուլտրաձայնային ախտորոշման կլինիկական գլխավոր մասնագետ Դենիս Նեստերովը և Philips Healthcare անգիոգրաֆիկ սարքերի առաջատար մասնագետ Անդրեյ Մարուլինը: Ի դեպ,  նա առաջին անգամ տարածաշրջանում ներկայացրեց AZURION անգիոգրաֆիկ սարքը: Կոնֆերանսի շրջանակներում անցկացվեց նաև LIVE-SCAN սթրես-էխոկարդիոգրաֆիա՝ Օլգա Տերեշինայի և Դենիս Նեստերովի կողմից: Պրոֆեսոր Մատչինը ներկայացրեց Philips Healthcare ընկերության Volcano ներանոթային նորարարական վերջին սերնդի սարքավորումը:

Կոնֆերանսն ամբողջ ընթացքում ուղեկցվեց ինտերակտիվ քննարկումներով և կոնստրուկտիվ բանավեճերով, որոնք հնարավարություն տվեցին ռուսաստանյան բժիշկներին կիսվել հայաստանյան բժիշկների հետ իրենց մեծ և ծավալուն փորձով: Գիտաժողովն անցավ աշխույժ մթնոլորտում, կատարվեց երկկողմ փորձի փոխանակում:

ՄԵԴՏԵԽՍԵՐՎԻՍ ընկերությունը՝ Philips ընկերության հետ համատեղ, աջակցում է բժշկական անձնակազմի վերապատրաստումներին, որոնք  հնարավորություն են տալիս բժիշկներին տեղեկացված լինել նոր տեխնոլոգիաներին և տիրապետել այն կլինիկական փորձին, որ տարածված է ոչ միայն Ռուսաստանի Դաշնությունում, այլ նաև ողջ տարածաշրջանում:

Հիշեցնենք նաև, որ ՄԵԴՏԵԽՍԵՐՎԻՍ ընկերությունը, որը 2018թ.-ին կնշի իր գործունեության 30-ամյակը, հանդիսանում է բժշկական սարքավորումներ մատակարարող ամենավստահելի ընկերությունը Հայաստանում և առաջարկում է սպասարկման ծառայություններ և վճարման տարաժամկետ փոխշահավետ պայմաններ:

Հարցեր, պատասխաններ, մեկնաբանություններ