ԼՂՀ ԱՆ. Սիրիահայ վիրաբույժ Ջանի Հադդադը արժանացավ պետական պարգևի

Արցախի առղջապահության նախարար Կարինե Աթայանը սեպտեմբերի 26-ին ընդունել է սիրիահայ վիրաբույժ, Հայկական Քրիստոնեական Բժշկական Ասոցիացիայի նախագահ Ջանի Հադդադին:
  

Հիշեցնենք, որ Ջանի Հադդադը 2011 թվականից տարին 2 անգամ այցելում է Արցախ և Շուշիի շրջանային բուժմիավորումում իրականացնում անվճար խորհրդատվություններ ու վիրահատություններ: Նրա կողմից Արցախում կարտարվել է 350-ից ավել վիրահատություն:
   

Հանդիպման ժամանակ նախարար Աթայանը սիրիահայ վիրաբույժ Ջանի Հադդադ Ֆոադին է հանձնել Արցախի Հանրապետության նախագահի կողմից շնորհած «Երախտագիտություն» մեդալը՝ Արցախի Հանրապետությանը մատուցած ծառայությունների համար և ի նշնավորումն Արցախի Հանրապետության հռչակման 26-րդ տարեդարձի:
 

Սիրիահայ բժիշկը գոհունակություն է հայտնել ոլորտում իրականացվող բարեփոխումների վերաբերյալ, քննարկվել են նաև մի շարք առաջիկայում իրականացվելիք ծրագրեր:
  

Հանդիպման ավարտին նախարարը շնորհակալություն է հայտնել Ջանի Հադդադին համագործակցության և Արցախում բարեգործական հիմունքներով իրականցվող աշխատանքների համար:

Հարցեր, պատասխաններ, մեկնաբանություններ