Ստորագրվեց հուշագիր Ռադիոլոգների ասոցիացիայի և Հայկական ուրոլոգիական ասոցիացիայի միջև. izmirlianmedicalcenter.com

Հայաստանի ռադիոլոգները հունիսի 4-ին հավաքվել էին նախկինում ստեղծած ասոցիացիան «վերագործարկելու» համար:

Ռադիոլոգ Գեղամ Աղաբեկյանն իր ելույթում նշեց, որ նրանք կվերականգնեն Հայաստանի ռադիոլոգների ասոցիացիաի գործունեությունը, քանի որ փոխվել է իրավիճակը, մասնագետների առջև նոր մարտահրավերներ են հայտնվել, որոնց կարելի է հակազդել միայն համախմբվելով:

Հայկական ուրոլոգիական ասոցիացիայի նախագահ Արթուր Գրաբսկին հիշեցրեց, որ միզուղիների քարերի առաջին ռենտգենյան պատկերը ստացվել է ռենտգենյան ճառագայթների բացահայտումից 2 տարի անց, և նշեց, որ ժամանակակից ուրոլոգիան ուղղակի չի կարող գոյատևել առանց ռադիոլոգիայի:

Հայկական ուրոլոգիական ասոցիացիայի նախագահ Արթուր ԳրաբսկիԱրթուր Գրաբսկին ռադիոլոգներին հրավիրեց 2016-ի աշնանը մասնակցել ուրոլոգիական ասոցիացիայի ամենամյա կոնգրեսին, որին ուրոլոգիական վիզուալացմանն առանձին բաժին նվիրված կլինի:

Հայկական ուրոլոգիական ասոցացիայի նախագահ Ա. Գրաբսկին հուշագիր ստորագրեց Ռադիոլոգների ասոցացիայի նախագահ Կ. Գալումյանի հետ:

Ասոցիացիայի «վերագործարկման» ընթացքում մի շարք հուշագրեր են ստորագրվել Հայաստանի այլ ասոցիացիաների հետ՝ թերապևտների, ուրոլոգների, վիրաբույժների, ինչպես նաև մանկաբարձության ու գինեկոլոգիայի ասոցիացիայի հետ:

Վերջում ցուցադրվեց վավերագրական կինոնկար Հայաստանում ռադիոլոգիայի զարգացման հարյուրամյա ավանդույթների մասին:

Հարցեր, պատասխաններ, մեկնաբանություններ