Ֆրայբուրգի համալսարանական կլինիկայի հայտնի մասնագետները «Իզմիրլյան» բժշկական կենտրոնում. izmirlianmedicalcenter.com

«Իզմիրլյան» բժշկական կենտրոն են ժամանել Ֆրայբուրգի համալսարանական կլինիկայի պրոֆեսոր, գաստրոէնտերոլոգ, լյարդաբան Հուբերթ Բլումը, Ֆրայբուրգի ուռուցքաբանական կենտրոնի կլինիկական տնօրեն, արյունաբան-ուռուցքաբան, պրոֆեսոր Յուստուս Դոյստթերը և ռևմատոլոգիայի ու կլինիկական իմունոլոգիայի պրոֆեսոր Ռայնհարդ Ֆոլլը։

Բժիշկները հանդիպել են կենտրոնի տնօրեն Արմեն Չարչյանին և հայտնել կլինիկայի բազմապրոֆիլությանը, հարմարավետությանը, մաքրությանն ու աշխատանքային կարգապահությանը վերաբերող առաջին տպավորությունները: 

Պրոֆեսոր Ա. Չարչյանն իր հերթին գերմանացի մասնագետների հետ զրույցում նշել է, որ կլինիկայի բազմապրոֆիլ գործենությանը համընթաց, հետևողական է մասնագիտական ներուժի պատրաստվածությանն ու ժամանակակից տեխնիկական հագեցվածության ապահովմանը, ինչն անհրաժեշտություն է` կլինիկական գործունեությունն արդիականացնելու:

Հյուրերը կիսվել են «Իզմիրլյան» ԲԿ բժիշկների հետ` կարևորելով թիմային մթնոլորտը, որը չի վրիպել նրանց սուր մասնագիտական աչքից:

Գերմանացի մասնագետներն իրականացրեցին խորհրդատվություններ, որից անմիջապես հետո հյուրընկալվեցին և ստացան օրհնություն Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսից Մայր Աթոռ Սուրբ Էջմիածնում:

Հանդիպմանը Նորին Սրբությունը ողջունել է գերմանացի մասնագետներին և նշել, որ բարձր է գնահատում մասնագետների այցը Հայաստան ու խրախուսում բժիշկներին` մասնագիտական շփման համար, որը հաստատվել է «Իզմիրլյան» ԲԿ հետ: Նա հայտնել է վստահություն, որ այդ շփումը կլինի շարունակական` ի բարօրություն ազգի:

Վերջում Ամենայն Հայոց Հայրապետը խրախուսել և իր Հայրապետական օրհնանք է փոխանցել հյուրերին:

Հարցեր, պատասխաններ, մեկնաբանություններ