ՀՀ ԱՆ. Հայաստանում է ԱՀԿ և ՄԱԿ-ի ՄԻԱՎIՁԻԱՀ-ի միացյալ ծրագրի փորձագիտական խումբը

ՀՀ առողջապահության նախարարությունում տեղի ունեցավ Հայաստանում մորից երեխային ՄԻԱՎ-ի փոխանցման վերացման հավաստիությունը գնահատելու և դրա վերաբերյալ առաջար­կություն ներկայացնելու առաքելությամբ ժամանած Առողջապահության համաշխարհային կազմակերպության և ՄԱԿ-ի ՄԻԱՎ/ՁԻԱՀ-ի միացյալ ծրագրի փորձագիտական խմբի աշխատանքային հանդիպումը ՀՀ առողջապահության նախարարի տեղակալ Վահան Պողոսյանի հետ: Հանդիպմանը մասնակցել են ՁԻԱՀ-ի կանխարգելման հանրապետական կենտրոնի տնօրեն Սամվել Գրիգորյանը, ՀՀ ԱՆ աշխատակազմի մոր և ման­կան առողջության պահ­պանման վարչության մայրական և վերարտադրողական առողջության պահ­պանման բաժնի պետ Գայանե Ավագյանը:

Խմբի ղեկավար, ԱՀԿ եվրոպական տարածաշրջանային գրասենյակի վարակիչ հիվանդությունների և առողջության պահպանման բաժնի տուբերկուլոզի, ՄԻԱՎ/ՁԻԱՀ-ի և հեպատիտների միացյալ ծրագրի մասնագետ Լալի Խոտենաշվիլին մանրամասն ներկայացրել է առաջիկա 5 օրվա աշխա­տանքները: Խումբը կաշխատի ՁԻԱՀ-ի կանխարգելման հանրապետական կենտրոնում, կայցելի Հիվանդությունների վերահսկման և կանխարգելման ազգային կենտրոն, Առողջա­պա­հության ազգային ինստիտուտ, Երևանի և Գեղարքունիքի մարզի բժշկական օգնություն և սպասարկում իրականացնող մի շարք կազմակերպություններ:

Փորձագիտական խումբն այցի վերջում կներկայացնի առաքելության նախնական արդյունքներն ու առաջարկությունները, որից հետո ՁԻԱՀ-ի կանխարգելման հանրապետական կենտրոնում տեղի կունենա առաքելության ամփոփիչ աշխատաժողովը շահագրգրիռ պետական, միջազգային, հասարակական կազմակերպությունների ներկայա­ցուցիչ­ների մասնակցությամբ: Դրական պատասխանի դեպքում Հայաստանը կարող է հավակնել մորից երեխային ՄԻԱՎ-ի փոխանցման վերացման կարգավիճակ ունեցող երկրի հավաստագիր ստանալուն:

Հարցեր, պատասխաններ, մեկնաբանություններ