ԼՂՀ ԱՆ. Նախարարն ընդունել է «Հայաստանի մանուկներ հիմնադրամ» բարեգործական կազմակերպության պատվիրակությանը

ԼՂՀ առողջապահության նախարար Կարինե Աթայանն ընդունել է «Հայաստանի մանուկներ հիմնադրամ» բարեգործական կազմակերպության պատվիրակությանը` գործադիր տնօրեն Անուշ Եդիգարյանի գլխավորությամբ:

Անուշ Եդիգարյանը նախարարին է ներկայացրել իրենց կազմակերպության առաքելությունը, մասնավորապես նշել է, որ առկա իրավիճակի հետ կապված Արցախ են ժամանել աջակցելու առողջապահության նախարարությանը:Նախարարը ողջունելով «Հայաստանի մանուկներ հիմնադրամ» բարեգործական կազմակերպության նախաձեռնությունը, պատվիրակության անդամներին տեղեկացրել է, որ հետագա աշխատանքներն արդյունավետ կազմակերպելու հարցում իրենց կօգնեն բժշկական հաստատությունների և շրջանային բուժմիավորումների տնօրեններն և գլխավոր մանկաբույժը:

Հանդիպման ավարտին Կարինե Աթայանը շնորհակալություն է հայտնել «Հայաստանի մանուկներ հիմնադրամ» բարեգործական կազմակերպությանը արագ արձագանքման և օժանդակության համար:

Հարցեր, պատասխաններ, մեկնաբանություններ