«ԱՌՈՂՋԱՊԱՀՈՒԹՅՈՒՆ XXI ԴԱՐ». խոշորագույն մասնագիտական ցուցահանդեսը

Մարտի 1-3-ը հայաստանյան առողջապահական համակարգը կենտրոնացել էր մեկ իրադարձության շուրջ՝ «ԱՌՈՂՋԱՊԱՀՈՒԹՅՈՒՆ XXI ԴԱՐ»: Վերջինս տարածաշրջանի խոշորագույն մասնագիտացված ցուցահանդեսներից է, որը հնարավորություն է ընձեռում ծանոթանալ կիրառական բժշկության, բուժման մեթոդների, հիվանդությունների ախտորոշման և վաղ փուլերում կանխարգելման նորագույն ձեռքբերումների հետ:

Ցուցահանդեսի շրջանակում բժշկական ոլորտի ներկայացուցիչներն ու առողջապահությամբ հետաքրքված այցելուները ծանոթանացան համակարգում գործող բժշկական և  դեղագործական առաջատար ընկերություններիի հետ, ինչպես օրինակ. «ԱՐՄԵՆԻԱ» հանրապետական բժշկական կենտրոնը, «ԷՐԵԲՈՒՆԻ» բժշկական կենտրոնը, «ԻԶՄԻՐԼՅԱՆ» բժշկական կենտրոնը,  ԱՔՍԻՈՄԵԴ  վնասվածքաբանական-վերականգնողական կլինիկան, Ս.Վ. Մալայանի անվան ակնաբուժական կենտրոնը, «ԱՐՄՖԱՐՄ» դեղագործական ընկերությունը, «ԴԱՎԻԴՅԱՆՑ ԼԱԲՈՐԱՏՈՐԻԱՆԵՐ» ախտորոշիչ կենտրոնը: Ցուցահանդեսի պաշտոնական բացումը հայտարարեցին  «ԻՆՏԵՐԷՔՍՊՈ» ընկերության տնօրեն  Ադելինա Քոչարյանը և ՀՀ առողջապահության փոխնախարար Գագիկ Միրիջանյանը:

Ցուցահանդեսի նպատակի, կազմակերպչական առանձնահատկությունների  մասին զրուցեցինք կազմակերպիչ «ԻՆՏԵՐԷՔՍՊՈ» ընկերության տնօրեն  Ադելինա Քոչարյանի հետ:

–   Տարեկան մի քանի անգամ կազմակերպվող առողջապահական ցուցահանդեսների շարքում ինչո՞վ է առանձնանում «ԱՌՈՂՋԱՊԱՀՈՒԹՅՈՒՆ XXI ԴԱՐ»-ը  և ինչ նպատակ է հետապնդում:

–   Առողջապահության նախարարության հետ համատեղ կազմակերպել ենք տարածաշրջանի մասշտաբով մեծածավալ միջոցառում: «ԱՌՈՂՋԱՊԱՀՈՒԹՅՈՒՆ XXI ԴԱՐ» ցուցահանդեսին մասնակցում էին շուրջ 60 առողջապահական ընկերություններ: Սա բացառիկ հնարավորություն է` լսել բժշկության տարբեր ոլորտների առաջատար մասնագետների կարծիքը, ծանոթանալ ոլորտի առաջատար ընկերությունների ներկայացուցիչների և ներկայացվող ծառայությունների հետ:

Ցուցահանդեսի 2-րդ հարկում ներկայացված են խոշորագույն ստոմոտոլոգիական ընկերություններ, բժշկական տուրիզմի ներկայացուցիչներ:

Ցուցահանդեսն անցկացվում է «Հանրային առողջապահության նոր մարտահրավերները» խորագրով նախարարական միջազգային համաժողովի շրջանակներում, ուստի մեր ցուցհանդեսի նպատակը նաև հայկական առողջապահության ներկայացումն է  միջազգային պատվիրակությանը: Նրանց թվում են Ռուսաստանի Դաշնության առողջապահության, Իրանի Իսլամական Հանրապետության առողջապահության և բժշկական կրթության, Վրաստանի Հանրապետության աշխատանքի, առողջապահության և սոցիալական հարցերի և Բելառուսի Հանրապետության առողջապահության նախարարները և Ղազախստանի առողջապահության ու սոցիալական զարգացման փոխնախարարը:

–   Կազմակերպող ընկերության՝ ինտերէքսպոյի մասին խոսենք: Համեմատաբար նոր անուն է կազմակերպչական ոլորտում: Սա առաջի՞ն մեծամասշտաբ միջոցառումն է:

–   Այո՛, ինտերէքսպոն երիտասարդ ընկերություն է, այն ստեղծվել է 2015 թվականին, թեև կազմակերպչական աշխատանքով զբաղվում եմ երկար տարիներ: Չնայած գործունեության կարճ ժամանակահատվածին, այսպիսի միջոցառումների կազմակերպման փորձ ընկերությունն արդեն ունի: Ինտերէքսպոն հոկտեմբերին գյուղատնտեսության նախարարության հետ կազմակերպեց մեծամասշտաբ ARMPROD EXPO ցուցահանդեսը, դեկտեմբեին մենք կազմակերպեցինք Ինտերշարմ ցուցահանդեսը և այսօր արդեն ներկայանում ենք որպես «ԱՌՈՂՋԱՊԱՀՈՒԹՅՈՒՆ XXI ԴԱՐ» ցուցահանդեսի կազմակերպիչ ընկերություն:

Հարցեր, պատասխաններ, մեկնաբանություններ