Տարվա լավագույն մարզային բուժհիմնարկ «ՄՐՑԱՆԱԿԸ» Գյումրի բշկական կենտրոնին

Առողջապահության զարգացման տեմպերը շարունակ նոր պահանջներ են սահմանում ոլորտի կառույցների համար: Այս համատեքստում արդի միտումներին համընթաց‘ Գյումրի բժշկական կենտրոնում առանձնահատուկ կարևորություն ունեցավ«Կյանքի ստենտ»ՀՀ նախագահի ծրագիրը, որը ՀՀ ԱՆ կողմից ներդրվեց հունվարի 1-ից: Այն ուղղված է բնակչությանը պետության կողմից երաշխավորված անվճար բժշկական օգնության և սպասարկման շրջանակներում սրտի անհետաձգելի վիրահատական ծառայություններ մատուցելուն:

Նախապես ընտրված բժշկական կենտրոններում եռամսյա փուլով իրականացվող այս ծրագրի ժամանակահատվածում շնորհիվ Գյումրի բժշկական կենտրոնի գործադիր տնօրեն Արմեն Իսահակյանի ու մասնագիտական անձնակազմի գործնական հմտության‘ այս տարվա հունվարի 1-ից մինչև մարտի 31-ը  կատարվել է 18 քաղաքացու սրտի անհետաձգելի վիրահատություն, ովքեր եղել են 36-ից 86 տարիքային խմբում: 2015 թ.-ի ընթացքում իրականացվել է 51 ոչ դեղապատ ստենտավորում: Այնուհետ, Առողջապահության նախարար Ա. Մուրադյանի գլխավորությամբ ստորագրվեց նոր փոխըմբռնման հուշագիր մինչև սույն թվի դեկտեմբերի 31-ը ժամանակահատվածով: Տնօրեն Արմեն Իսահակյանի հաղորդմամբ‘«Կյանքի ստենտ՚»ծրագիրը նկատելիորեն նվազեցրեց մահացությունների թիվը Շիրակի մարզում և Գյումրի քաղաքում: Այս ծրագրի մասին քաղաքացիներին հաղորդակից դարձնելու նախարարության տարաբնույթ իրազեկման եղանակներին միացավ նաև տնօրեն Ա. Իսահակյանի  մտահղացմամբ տեղեկատվական գրքույկի, որի հեղինակն է բուժհիմնարկում և ոլորտում լավագույն միջամտական սրտաբան Կարեն Միքայելյանը, հրատարակումը: Բուժհիմնարկի հասարակայնության հետ կապերի և լրատվության բաժնի պատասխանատու Նարեկ Կիրակոսյանի հաղորդմամբ‘ իրազեկող այս գրքույկները տրամադրում են ոչ միայն  քաղաքացիներին, այլ նաև այլ բուժհաստատությունների սրտաբաններին: Վերջերս տնօրեն Ա. Իսահակյանը և միջամտական սրտաբան Կ. Միքայելյանը եղել են Աշոցքի ՙՏիրամայր Նարեկ՚ բուժկենտրոնում ու գործնական հանդիպում ունեցել տեղի մասնագետների հետ:

Այսօրինակ  հանդիպումներ են սպասվում Գյումրու պոլիկլինիկաների, Շիրակի, Լոռու, Արագածոտնի և Արմավիրի մարզերի սրտաբանների հետ: Այսպիսով քաղաքացին այս ծրագրի մասին կծանոթանա նաև ընտանեկան բժշկից, ինչպես նաև այցելելով բուժհիմնարկի պաշտոնական վեբ կայք‘ Gyumrimc.am:

Նշենք, որ քաղաքակիրթ բուժսպասարկմանն ընդառաջ 2015 թ.-ից անցել են ծառայությունների մատուցման պայմանագրային համակարգին՝ համաձայն ՀՀ առողջապահության նախարարի 2011 թ. փետրվարի 1-ի N104-Ա հրամանի հավելվածի: Տնօրենի գնահատմամբ‘ այս ծրագրի ներդրումը նպաստեց բուժկենտրոնի կողմից ավելի պատշաճ որակով ու բժշկական ցուցումների համաձայն անհրաժեշտ ծավալով ծառայությունների մատուցմանը, ինչի դիմաց պատվիրատուն պարտավորվում է վճարել պայմանագրով սահմանված չափով ու կարգով: Ա. Իսահակյանի հետևողականությամբ կարևոր  ձեռքբերում է նեղ մասնագետներով համալրումը բուժկենտրոնում, ինչպես օրինակ‘ ամռան ամիսներին աշխատանքի ընդունվեց կրծքային վիրաբույժը՝ թորակալը: Մեկ տարվա ձեռքբերումների առհավատչյան բուժկենտրոնին տրվող պարգևներն են:  Համաձայն ՙՀամազգային վստահության խորհրդի՚ քաղաքացիների և ԶԼՄ-ների շրջանում կատարած հարցումներիª 2015 թ.-ին«Հուսո աստղ՚»մրցանակաբաշխության ժամանակ ՙԳյումրի բժշկական կենտրոնն՚  արժանացավ ՙՏարվա լավագույն մարզային բուժհիմնարկ՚ մրցանակին: Ի կարևորումն լայն հասարակության իրազեկման ու գործունեության առավել թափանցիկությանª այս տարում բուժկենտրոնում Ա. Իսահակյանի նախաձեռնությամբ ստեղծվեց Հասարակայնության հետ կապերի եւ լրատվության բաժինը: Ուշագրավ է նաև այն, որ կենտրոնը գերազանցել է մեկ տարվա  կտրվածքով հատկացված պետպատվերի շրջանակում իրականացվելիք բուժսպասարկումը, որի արդյունքում ՀՀ ԱՆ կողմից  կրկին ֆինանսավորվել է: Հավելենք, որ այս տարվա ընթացքում այստեղ բուժում է ստացել 7350 հիվանդ, որից 5830-ը պետպատվերի շրջանակում:

Ներկայում լուրջ խնդիրներ չունենª կապված սարքավորումների կամ մասնագետների բացակայության հետ: Այնուհանդերձ ձգտում են թարմացնել ակնաբուժական ծառայության մի քանի սարքավորումներ՝ ճեղքային լամպ, պերիմետր և ավտոռեֆարակտոմետր, որոնք 10 տարվա վաղեմություն ունեն: Թեպետ ծառայության վիրահատարանն ապահովված է առաջին անհրաժեշտության վիրահատական սարքավորումներով և գործիքներով, այդ թվումª միկրոսկոպով:

Տեղական ու միջազգային առողջապահական կազմակերպությունների հետ գործակցության շրջանակում բուժհիմնարկի մասնագետները հնարավորություն են ստանում անցնել մասնագիտական խորը վերապատրաստումներ եվրոպական առաջատար կազմակերպություններում:

Հեռահաղորդակցության բարձրորակ հնարավորություններով հագեցված աշխատասենյակներում ուղիղ տեսակապով քննարկումներ են իրականացնում տեղական ու արտերկրյա մի շարք բուժկազմակերպությունների հետ: Վերջերս ՙՇիրակ Հայրենակցական միավորում՚ ՀԿ-ի հետ համագործակցության շրջանակներում իրականացրեցին ՙբաց դռների՚ օրեր, որի ընթացքում 361 քաղաքացի հետազոտվեց բոլոր մասնագիտություններով: Տնօրենի հաղորդմամբª 2016 թ.-ից համագործակցության նոր փուլ են սկսելու ՀՀ ԱՆ և ԱԱԻ հետ, որի շրջանակներում նախատեսվում է Գյումրիի բժշկական կենտրոնի բուժքույրական անձնակազմի համար սեմինարների ու գործնական աշխատանքների կազմակերպում:

Աղբյուրը՝«Գործընթաց» շաբաթաթերթ

Հարցեր, պատասխաններ, մեկնաբանություններ