Կանանց հորմոնալ խանգարումների և միոմայի բուժման նոր մոտեցումներ

«Գեդեոն Ռիխտեր» ԲԲԸ դեղագործական ընկերության հայաստանյան ներկայացուցչությունը 2015թ. հոկտեմբերի 28-ին կազմակերպել էր գիտաժողով՝ «Հիպերանդրոգենիայի բուժումը: Արգանդի միոմայի բուժման նորագույն մոտեցումները Եվրոպայում» թեմայով: Գիտաժողովին ներկա էին մանկաբարձ-գինեկոլոգներ, էնդոկրինոլոգներ, ընտանեկան բժիշկներ:

«Գեդեոն Ռիխտեր» ԲԲԸ դեղագործական ընկերության հայաստանյան ներկայացուցչության գրասենյակի մենեջեր Լուսինե Բլուրցյանը ներկայացրեց իրենց կողմից կազմակերպված գիտաժողովի նպատակը:

–   Մեր կողմից կազմակերպված այս գիտաժողովի նպատակն է տեղեկացնել ոլորտի մասնագետներին դեղագործական շուկայում վաճառքի ենթակա «Բելարա» և «Էսմիա» դեղերի բուժման արդյունավետության և անվտանգության մասին: «Բելարա» դեղը հորմոնալ հակաբեղմնավորիչ է կանանց համար, որը մի քանի ամիս է, ինչ շրջանառվում է հայաստանյան դեղատներում, իսկ եվրոպական մի շարք երկներում արդեն լայն տարածում է ստացել: «Բելարա»-ն «Գեդեոն Ռիխտեր» ընկերության նոր բրենդն է, որի հիմնական առավելությունն արդյունավետության հետ մեկտեղ՝ անվտանգությունն է:

«Բելարա» դեղի առավելությունների մասին մանրամասնեց մանկաբարձ-գինեկոլոգ Իրինա Ազարյանը:

–   Առողջական ինչպիսի՞ խնդիների դեպքում պետք է դիմել «Բելարա» դեղի օգնությանը:

–   «Բելարա»-ն հակաբեղմնավորիչ է՝ արտահայտված հակաանդրոգենային ակտիվությամբ: Տեղեկացնեմ, որ այսօր դեղագործական շուկայում առկա են ցածր և միկրո դոզավորված հակաբեղմնավորիչներ, որոնք կարող են նշանակվել երկարատև՝ անցանկալի հղիությունից պաշտպանվելու նպատակով, և շատ հաճախ կանանց նշանակվում են բուժման նպատակով, եթե կան հորմոնալ խանգարումներ: Հենց այս նպատակին կարող է ծառայել «Բելարա»-ն իր հակաանդրոգենային ազդեցության շնորհիվ: Այն բուժում է անդրոգենների բարձր քանակից առաջացած մաշկային երևույթները՝ ակնե, հիրսուտիզմ, հիպերտրիխոզ և մաշկային այլ խնդիրներ:

«Բելարա»-ն արդյունավետ է նաև ձվարանների պոլիկիստոզի համակցված բուժման սխեմայում, խնդիր, որը բավականին տարածված է աշխարհում, և որն անհրաժեշտ է բուժել ժամանակին ու ճիշտ մոտեցումներով: Ի տարբերություն բազմաթիվ հակաբեղմնավորիչների, «Բելարա»-ի ազդեցությունը հեմոստազի վրա նվազագույն է:

«Բելարա»-ի հիմնական առավելությունն անվտանգությունն է: Այս դեղը կարող է նշանակվել սկսած վերարտադրողական տարիքից՝ 18 տարեկանից: Թեև դեղի կողմնակի ազդեցությունն ու հակացուցումները նվազագույն են, միևնույն է, այն պետք է օգտագործել բժշկի ցուցումով:

–   Խոսենք Հայաստանում ձեռք բերված պրակտիկայի մասին

–   «Բելարա»-ն արդեն հաջողությամբ կիրառվում է Հայաստանում, թե՛ որպես հակաբեղմնավորիչ, թե՛ որպես բուժական նպատակով օգտագործվող դեղ: Այն տալիս է ակնհայտ արդյունավետ արդյունքներ ընդունման առաջին իսկ ամիսներից սկսած: Սա այն հակաբեղմնավորիչներից է, որը ցուցված է երկարատև օգտագործման համար, ինչը նույնպես «Բելարայի» առավելությունն է:

Գիտաժողովի ընթացքում բժիշկները տեղեկացվեցին «Գեդեոն Ռիխտեր» ընկերության նորագույն դեղի՝ «Էսմիա»-ի կիրառման Եվրոպական վերջին նորությունների մասին. ավարտվել են Եվրոպայում անցկացված նոր հետազոտությունները, որոնք հաստատել են «Էսմիա» դեղամիջոցի երկարաժամկետ կիրառումը: Հայաստանում «Էսմիա»-ն գրանցված է որպես արգանդի միոմայի նախավիրահատական բուժում՝ 3 ամսվա կիրառման սխեմայով:

Հարցեր, պատասխաններ, մեկնաբանություններ