Հայաստանի Անկախության տոնի առթիվ մի շարք բժիշկներ են պարգեւատրվել. news.am

Հայաստանի Հանրապետության անկախության 24–ամյակի առթիվ ՀՀ նախագահ Սերժ Սարգսյանը պարգեւատրել է մի շարք բժիշկների։ Մասնավորապես, Հայաստանի Հանրապետության Անկախության տոնի առթիվ, առողջապահության զարգացման գործում ներդրած ավանդի համար Մխիթար Հերացու մեդալով պարգեւատրվել են.

Լոռու մարզի «Սպիտակի բժշկական կենտրոն» ՓԲԸ-ի անեսթեզիոլոգ-ռեանիմատոլոգ Արթուր Դունամալյանը;

Երևանի քաղաքապետարանի «Սուրբ Աստվածամայր» բժշկական կենտրոն» ՓԲԸ-ի վերակենդանացման բաժանմունքի վարիչ Աննա Չոբանյանը;

Հայաստանի Հանրապետության առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ի գլխավոր տնօրեն Արտավազդ Վանյանը;

Երևանի Մ. Հերացու անվան պետական բժշկական համալսարանի հետբուհական և շարունակական կրթության ֆակուլտետի նեոնատոլոգիայի ամբիոնի դասախոս Հրանտ Կալենտերյանը։

«Արամյանց» բժշկական կենտրոնի վնասվածքաբանության բաժանմունքի վարիչ, բժշկական գիտությունների թեկնածու Աշոտ Սոֆյանին շնորհվել է Հայաստանի Հանրապետության վաստակավոր բժշկի պատվավոր կոչում: Վաստակավոր բժշկի կոչմանն է արժանացել նաեւ ՀՀ ԱՆ գլխավոր ինֆեկցիոնիստ Արա Ասոյանը։

Հարցեր, պատասխաններ, մեկնաբանություններ