Բժշկական տուրիզմի զարգացման համար Հայաստանի բուժանձնակազմը պետք է առնվազն 4 լեզու իմանա. Ռուբեն Վարդանյան

«Հայաստանում կան նախապայմաններ բժշկական տուրիզմի զարգացման համար, միայն թե Հայաստանի բուժանձնակազմը պետք է տիրապետի առնվազն չորս լեզուների՝ ներառյալ պարսկերենն ու թուրքերենը»,- Հայաստանի 4-րդ միջազգային բժշկական  համագումարի շրջանակներում  ասաց IDEA հիմնադրամի նախագահ  Ռուբեն Վարդանյանը:

Գործարար Ռուբեն Վարդանյանը ներկայացրեց հիմնադրամի ծրագրերն ու դրանց պոտենցիալը, ծախսված գումարն ու զարգացման հնարավորությունը: Նրա խոսքով՝ 2009 թվականին 4 հազար զբոսաշրջիկ, իսկ 2014-ին՝ արդեն 143 հազար… Զբոսաշրջությունը Հայաստանում զարգանում է հենց Տաթևում, Ստեփանակերտում, Դիլիջանում իրականացվող ծրագրերի շնորհիվ:

«Հայաստանի հիմնական  առավելությունը առողջապահական ոլորտում՝ սփյուռքն է, իր մասնագետներով, ծառայությունների բարձր որակով: Այս առումով Հայաստանը բժկական տուրիզմի տեսանկյունից կարող է գրավիչ դառնալ մեր տարածաշրջանի, արևելաասիական տարածաշրջանի երկրների համար»:

Հարցեր, պատասխաններ, մեկնաբանություններ