4-ՐԴ ՀՄԲՀ. Սեկցիա. oրթոպեդիա և վնասվածքաբանություն. Վաչագան Այվազյան

Վնասվածքաբանության և օրթոպեդիայի գիտական կենտրոնի տնօրեն, պրոֆեսոր Վաչագան  Այվազյան

–   Ի՞նչ կարևոր թեմաներ քննարկվեցին օրթոպեդիային նվիրված սեկցիայի ընթացքում:

–   Հետաքրքիր էր հատկապես օստեոպորոզին վերաբերող թեման: Պրոֆեսոր Բելիզիկյանն իր աշակերտի հետ շատ լավ զեկուցում ներկայացրեց: Երկու զեկուցմամբ հանդես եկավ ԱՄՆ-ից ժամանած Արա Նազարյանը, որոնցից մեկում ներկայացված էր արյան հոսքը մեխանիկական եղանակով դադարեցնելու մի նոր, բավականին հետաքրքիր ու արդյունավետ մեթոդ:

–   Արտասահմանում ի՞նչ նորություններ կան, որոնք կուզեիք կիրառել Հայաստանում:

–   Մենք նորություններին տեղեկանում ենք մշտապես, կարելի է ասել՝ ամեն օր: Իսկ նման հանդիպումները հնարավորություն են տալիս՝ շփումներ, կապեր ստեղծելու և անձամբ ճանաչելու այդ նորությունների հեղինակներին:

 
–   Ի՞նչ բացեր եք տեսնում օրթոպեդիայի ոլորտում, ինչի՞ կարիք ունենք:

–   Այս ոլորտում նույնն է խնդիրը, ինչ առողջապահության գրեթե բոլոր ոլորտներում՝ ֆինանսավորման պակաս: Պետք է զարգացնել ապահովագրության ոլորտը, որ մարդիկ բուժման համար վճարելու դժվարություններ չունենան: Դեռ ունենք նվիրյալ բժիշկներ, ովքեր աշխատում են այս պայմաններում, բայց նրանց թիվն էլ է գնալով նվազում:

–   Ձեզ համար օգտակա՞ր էր այս համաժողովը:

-Այո, շատ լավ մարդկանց հետ ծանոթացա. այդ շփումն ամենակարևորն է: Շնորհակալություն կազմակերպիչներին:

Հարցեր, պատասխաններ, մեկնաբանություններ