4-ՐԴ ՀՄԲՀ. Սեկցիա. Մանկաբարձություն և գինեկոլոգիա. Ռազմիկ Աբրահամյան

–   Կարևորո՞ւմ եք բժիշկների մասնակցությունը նմանատիպ հանդիպումներին:

–   Այո:  Շատ արդյունավետ են նման հանդիպումները: Առաջինը. կարծես, ինքնաքննություն լինի մեր տեղի բժիշկներիս համար: Երկրորդը. փորձի փոխանակում է տեղի ունենում: Եվ, բնական է, բոլոր նորությունները կիրառելու ենք մեր աշխատանքում: Մեր սեկցիան շատ հետաքրքիր ընթացք ունեցավ: Ներկայացվեցին մեր կողմից կատարած բոլոր աշխատանքներն ու հաջողությունները:

–   Ի՞նչ հետաքրքիր հարցերի անդրադարձաք:

–   Բավականին շատ՝ սկսած մեզ հուզող արգանդի պարանոցի քաղցկեղից մինչև սակավարյունություններ, տրոմբոֆիլիաներ:

–   Ձեզ ինչ-որ բան զարմացրե՞ց արտերկրի գործընկերների կողմից ներկայացված թեմաներում:  Գուցե ինչ-որ տարբերություննե՞ր նկատեցիք: 

–   Բացարձակ որևէ տարբերություն չկա: Վստահ կարող եմ ասել, որ մենք ոչ մի բանով նրանցից հետ չենք մնում:

–   Դուք խոսեցիք նաև հղիության ընթացքում հանդիպող սեռավարակների մասին: Ինչպե՞ս կանխարգելել այդ խնդիրը:

–   Առաջին հերթին կարևոր է պահպանել սեռական հիգիենան: Երկրորդը՝ կանայք պետք է պարբերաբար հետազոտվեն: Եթե ունենք արտագնա տղամարդիկ, ապա նրանք ևս պետք է գան և ստուգվեն, որպեսզի կանխենք այդ խնդիրը. սեռավարակները բավականին շատ բարդություններ են ստեղծում հղիության ընթացքում:

–   Աճե՞լ է թիվը:

- Դեռ ոչ: Սեկցիայի ժամանակ առաջարկվեց Հայաստանում մասսայական սկրինինգ անցկացնել, և դա շատ ողջունելի է:   
 

Հարցեր, պատասխաններ, մեկնաբանություններ