Հայաստանի 4-րդ Միջազգային բժշկական համագումար. Երեխաների բարեգործական կազմակերպության նախագահ Նանի Օսկանյան

–   Ակամայից Ձեր զրույցի մասնակիցը դարձա… Ինչպես հասկացա, Ձեզ մտահոգում է մասնավորապես, տեխնիկական հագեցվածությունը բուժհաստատությունների:

–   Այո՛, լավ մասնագետներ շատ ունենք, հիմնական թերացումները կապված են տեխնիկայի հետ: Հրաշալի է, որ հայ բժիշկները կարողանում են հաղորդակցվել միջազգային լեզուներով, դա իսկապես կարևոր է: Այդպես նրանք կարող են նաև ինքնակրթությամբ զբաղվել, ամբողջ ինֆորմացիան հասանելի է դառնում նրանց համար:

–   Որպես բժիշկ և անձնական հանգամանքներից ևս (Նանի Oսկանյանը նախկին արտգործնախարար Վարդան Օսկանյանի կինն է), պետք է որ հրաշալի ծանոթ լինեք Սփյուռք-Հայաստան բժշկական կապին:

–   Սփյուռք-Հայաստան կապն օգնում է ոլորտի զարգացմանը: Բազմաթիվ բժիշկներ աջակցում են մեր առողջապահական համակարգին ո՛չ միայն գիտելիքներով, փորձով, այլև` տեխնիկապես: Ապրելով այլ երկրներում, նրանց, միևնույնն է, անհնագստացնում է Հայաստանում  հանրային առողջությունը: Իհարկե՛, այս համագումարի առաջնային նպատակը գիտական-մասնագիտական է, բայց չթերագնահատենք նաև մարդկային գործոնը: Մենք հանդիպում ենք մեր հարազատներին, մեր կոլեգաներին, ում հետ գուցե սովորել ենք, աշխատել ժամանակին:

Հարցեր, պատասխաններ, մեկնաբանություններ