Պալիատիվ օգնության ծառայություն Ուռուցքաբանության ազգային կենտրոնում. oncology.am

ՀՀ ԱՆ Ուռուցքաբանության ազգային կենտրոնի պալիատիվ օգնության ծառայությունը նախատեսված է ուռուցքային հիվանդության վերջին փուլում գտնվող  հիվանդներին հակացավային, օժանդակ և սիմպտոմատիկ օգնություն տրամադրելու համար: Ստացիոնար բաժանմունքը նախատեսված է միաժամանակ 10 հիվանդների սպասարկման համար` մեկ կամ երկու տեղանոց պալատներում: Ստացիոնար բաժնում յուրաքանչյուր հիվանդի գտնվելու ժամկետը սահմանափակված չէ:

Պալիատիվ օգնության բաժանմունքի բժշկական և բուժքույրական անձնակազմի բարձր որակավորումն ապահովում են մեր հիվանդների բուժման պատշաճ մակարդակը: Անձնակազմի մեծ մասը վերապատրաստվել է Եվրոպական տարբեր երկրներում:

Քաղցկեղային հիվանդությունների բուժման պալիատիվ և սիպտոմատիկ եղանակների կիրառման ոլորտը չի սահմանափակվում ծայրահեղ վիճակներով:

Ուռուցքային հիվանդությունների բուժման ընթացքում սրտխառնոցն ու փսխումը հիվանդների կողմից գնահատվում են որպես առավել ծանր բարդություն: Այս բարդության հետ հիվանդները հաճախ առընչվում են արդեն քիմիաթերապևտիկ բուժման ընթացքում: Համարժեք հակափսխումային բուժման բացակայության դեպքում այդ կողմնակի երևությները ոչ միայն վատթարացնում են կյանքի որակը, այլ նաև համառորեն բուժման ծրագրի ճշգրտում են պահանջում:

Այդպիսի փոփոխություններն ուղղված են դեպի բուժման կուրսերի միջև ընկած ժամանակահատվածների խախտմանը, քիմիական դեղամիջոցների դոզաների փոփոխությունը կամ ընդհանրապես դրանցից մի քանիսից հրաժարվելուն:  

Պալիատիվ օգնության բաժանմունքում կատարվում է նաև ցավազրկման նպատակով անհատական դեղամիջոցների և դեղաչափերի որոշում ու ցավային համախտանիշի համապատասխան բուժման նշանակում: 

Պալիատիվ օգնության ծառայությունը կատարում է նաև հիվանդների տնային սպասարկում: 

Խորհրդատվությունների կարգի և ժամկետների համաձայնեցման համար և ՀՀ ԱՆ ՈւԱԿ-ի պալիատիվ օգնության ստացիոնար բաժանմունքում հետագա հնարավոր հոսպիտալիզացիայի կամ տնային սպասարկման քննարկման համար զանգահարել

+374 91 21 32 14; +374 55 21 32 14

Հարցեր, պատասխաններ, մեկնաբանություններ