Սեքսոպաթոլոգ Վրեժ Շահրամանյանը ելույթ ունեցավ Ռուսաստանի սեքսոլոգների և անդրոլոգների պրոֆեսիոնալ ասոցիացիայի 10-րդ հոբելյանական միջազգային գիտաժողովին

ԵՊԲՀ Սեքսոլոգիայի ամբիոնի դասախոս, Սեքսոպաթոլոգիայի կլինիկայի բժիշկ-սեքսոպաթոլոգ, Սեքսոլոգների Հայկական Ասոցիացիայի անդամ,  բ.գ.թ., Վրեժ Շահրամանյանը ելեւյթ ունեցավ մայիսի 27-31-ը Սոչիում կայացած «Ռուսաստանի սեքսոլոգների և անդրոլոգների պրոֆեսիոնալ ասոցիացիայի 10-րդ հոբելյանական միջազգային գիտաժողովին»:

Գիտաժողովին մասնակցում էին ԱՊՀ և արտերկրի առաջատար մասնագետները: Դա լայն հնարավորություն ընձեռեց մասնակից բոլոր բժիշկներին տեղեկանալ սեռական և վերարադրողական առողջության գիտական վերջին նորություններին, լսել հետաքրքիր մասնագիտական զեկույցներ, ինչպես նաև նոր ծանոթություններ հաստատել: Գիտաժողովին Վ. Շահրամանյանը ներկայացրել է «Տղամարդկանց սեռական խանգարումների և սեռական դաստիարակության փոխկապվածությունը» աշխատանքը:

Ներկայացված աշխատանքը հանրահայտ մասնագետների կողմից կարևորվել է և արժանացել բարձր գնահատականի: Հոդվածն ամբողջական տեսքով տպագրվել է գիտաժողովի ժողովածուում:

Գիտաժողովին ներկայացված էին հետաքրքիր և գիտական նորույթ պարունակող շատ զեկույցներ՝ նվիրված սեռական առողջության ժամանակակից հարցերին, տղամարդկանց և կանանց սեռական խանգարումների բուժման ժամանակակից մեթոդներին, անպտղության ախտորոշման և բուժման արդի հիմնախնդիրներին և այլն:

Իր ամփոփիչ խոսքում գիտաժողովի նախագահ, պրոֆ. Պ.Ա. Շեպլյովը ընդգծեց Հայաստանի ներկայացուցչի ակտիվ մասնակցությունը նշելով, որ երևույթը կամրապնդի և կզարգացնի ռուս-հայկական սեռական և վերարտադրողական բժշկության հիմքերը:

Հարցեր, պատասխաններ, մեկնաբանություններ