11 սատելիտային սիմպոզիում Հայ բժիշկների 4-րդ միջազգային համագումարի շրջանակում

Մեդ-Պրակտիկի բժշկական օրացույցում հաճախ կտեսնեք տարբեր թեմաներով սատելիտային սիմպոզիումների հրավերներ: Ինչպես հայտնի է, այս տարի Հայ բժիշկների 4-րդ միջազգային համագումարն է կայանալու Հայաստանում, որի շրջանակներում հայ բժիշկները հնարավորություն կունենան մասնակցելու նաև սատելիտային սիմպոզիումների:

Այս մասին ավելի մանրամասն զրուցեցինք Հայ բժիշկների 4-րդ միջազգային կոնֆերանսի փոխնախագահ Գևորգ Յաղջյանի հետ:

–   Ներկայում կազմակերպական աշխատանքներ են տարվում Հայ բժիշկների 4-րդ միջազգային համագումարի իրականացման համար: Հրավիրել ենք տարբեր ոլորտների առաջատար մասնագետների: Փորձեցինք առիթն օգտագործել և, կոնգրեսում նախատեսվող ելույթներից զատ, նրանց ունկընդրելու հնարավորություն տալ ավելի լայն շրջանակի մասնագետների՝ կազմակերպելով սատելիտային սիմպոզիումներ համագումարի շրջանակում: 

Նպատակն իրականացնելու համար ներգրավեցինք հայկական ասոցիացիաներին, բժշկական կազմակերպություններին՝ տեղեկացնելով ժամանող հյուրերի մասին և ընձեռնելով հնարավորություն համագործակցության եզրեր փնտրել ասոցիացիայի աշխատախմբի ու հյուրերի միջև:

Մի քանի ասոցիացիաների ջանքերի շնորհիվ, որոնք ի սկզբանե հետաքրքրված էին հյուրերով, համագործակցության արդյունքում պլանավորեցին կազմակերպել 11 սատելիտային սիմպոզիում, որոնց կարող են մասնակցել Երևանից և մարզերից յուրաքանչյուր բժիշկ:

Ի դեպ, ի տարբերություն նախորդ տարիներին ացկացված կոնգրեսների, այս տարի սատելիտային սիմպոզիումներից մի քանիսը ակրեդիտացված կլինեն Առողջապահության նախարարության կողմից, այսինքն, մասնակցության արդյունքում բժիշկները կրեդիտներ կստանան:

–   Բժշկական ո՞ր ուղղություններն են ներգրավված սիմպոզիումներում:

–   Սիմպոզիումները կկայանան տարբեր կլինիկաներում հետևյալ ուղղություններով.

•    Անէսթեզիոլոգիա. 4-ը հուլիսի 2015թ.,
•    Նյարդաբանություն. 3-ը և 4-ը հուլիսի 2015թ.,
•    Գենետիկա. 1-ը հուլիսի 2015թ.,
•    Քույրական գործ. 1-ը հուլիսի 2015թ.,
•    Սրտաբանւթյուն.  4-ը հուլիսի 2015թ.,
•    Երիտասարդ բժիշկների և ուսանողների ձեռնարկած սիմպոզիում. 4-ը հուլիսի 2015թ.,
•    Վերարտադրողական բժշկություն. 1-ը հուլիսի 2015թ.,
•    Արյունաբանություն. 4-ը հուլիսի 2015թ.,
•    Քաղցկեղից բուժված հիվանդների հետ միացյալ սիմպոզիում. 4-ը հուլիսի 2015թ.,
•    Ներզատաբանություն և սննդաբանություն. 1-ը հուլիսի 2015թ.,
•    Ինտենսիվ պեդիատրիա. 1-ը հուլիսի 2015թ.,

–   Ինչպե՞ս հետևել ընթացքին և տեղեկատվություն ստանալ:

–   Սատելիտային սմպոզիումների մասին հնարավոր կլինի տեղեկատվություն ստանալ թե՛ կոնգրեսի կայքից (4imca.am), թե՛ Med-Event բժշկական օրացույցից:

–   Խոսենք ավանդական բնույթ կրող ամենամյա կոնգրեսի կազմակերպման պատմությունից…

–   2007թ. կայացած համագումարի շրջանակում 10 սատելիտային սիմպոզիում կայացավ, որոնցից յուրաքանչյուրին մասնակցեց շուրջ 100 բժիշկ: Այսինքն, բացի կոնգրեսին անդամագրված 400 մասնակցից, մենք ունեցանք ևս 1000 մասնակից՝ տարբեր ոլորտներից: Որոշեցինք ավանդույթ դարձնել այս սկզբունքը և յուրաքանչյուր կոնգրեսի շրջանակում կազմակերպել նաև սատելիտային սիմպոզիումներ:

Սատելիտային սիմպոզիումների կազմակերպչական աշխատանքների մասին ավելին տեղեկատվություն ստանալու համար սեղմել հետևյալ հղումը.
Նախատեսվող սիմպոզիումներ Հայ բժիշկների միջազգային 4-րդ համագումարի շրջանակում

Հարցեր, պատասխաններ, մեկնաբանություններ