Med-Event բժշկական օրացույցն արդեն հասանելի է նաև բջջային հեռախոսներով

Հարգելի այցելունե՛ր,

Արդեն հասանելի է Մեդ-Պրակտիկ առողջապահական պորտալում տեղ գտած Med-Event բժշկական օրացույցի բջջային տարբերակը, ինչը հնարավորություն է տալիս՝ համապատասխան ծրագրի ներբեռնումից հետո, մշտապես տեղեկացված լինել առողջապահական ոլորտում հայտարարվող ակցիաներին, սպասվելիք և տեղի ունեցած իրադարձություններին:

MedPracticCalendar iOS հավելվածը Med-Event բժշկական օրացույցի բջջային տարբերակն է` նախատեսված IOS սարքերի համար, որի նպատակը med-practic.com վեբ-կայքի օրացույցի հիման վրա բջջային հեռախոսներով առողջապահական ոլորտի բոլոր իրադարձություններն ու հայտարարությունները հասանելի դարձնելն է: Այն նաև հնարավորություն է տալիս առցանց գրանցվել, ավելացնել այն հեռախոսի  օրացույցի մեջ, տարածել սոցիալական ցանցերում:  Այն ներկայացված է երկու լեզվով՝ հայերեն և ռուսերեն:

Հավելվածը տեղակայված է նաև Apple Store-ում և այն կարելի է անվճար բեռնել (https://itunes.apple.com/am/app/medpracticcalendar/id985972709?mt=8):

Ցանկացած իրադարձության վրա սեղմելիս՝ օգտատերը կարող է տեսնել իրադարձության մասին ամբողջ տեղեկատվությունը (իրադարձության ժամկետները, այն իրականացնող կազմակերպության անվանումը, իրականացման վայրը, իրադարձության անվանումը և այլն ): Լրացնելով համապարասխան դաշտերը՝ կարող եք գրանցվել և ապահովել Ձեր մասնակցությունը նոր հրապարակված իրադարձությունններին, որի պարագայում իրադարձությանը վերաբերող տեղեկատվությունը կավելանա և կհիշվի նաև Ձեր սարքի օրացույցում: Կարող եք նաև իրազեկ դառնալ այն իրադարձություններին, որոնք արդեն կայացել են: Ծրագիրը հնարավորություն կտա իրադարձությունն ավելացնել google օրացույցում:

Հավելվածը նախագծվել է «ՋիԹեք Սոլյուշնս» ՍՊԸ (http://gtechtechnologies.com/) կողմից: Ընկերությունը մասնագիտացված է տեղեկատվական տեխնոլոգիաների, վեբ և մոբայլ ծրագրավորման ոլորտներում: «ՋիԹեք Սոլյուշնս»-ն ունի ավելի քան հինգ տարվա փորձ նշված ոլորտներում՝ համագործակցելով ՀՀ-ում, ԱՄՆ-ում և Եվրոպայում գործող ընկերությունների հետ:

Ընկերությունն իրականացնում է հետևյալ ծառայությունները.

• Նախագծի ձևավորում,
• Վեբ և մոբայլ ծրագրավորում,
• Թեստավորում և որակի ապահովում,
• Ինտերնետ մարքեթինգ,
• Ցանցային լուծումներ:

Հարցեր, պատասխաններ, մեկնաբանություններ