ԵՏՄ մասնակիցները դեղորայքի և բուժսարքավորումների միասնական շուկա կստեղծեն. ՌԴ ԱՆ. artsakhpress.am

ԵՏՄ–ի մասնակիցները դեղորայքի և բուժսարքավորումների միասնական շուկա կստեղծեն, երեքշաբթի հայտարարել է ՌԴ առողջապահության նախարարության մամուլի քարտուղար Օլեգ Սալագայը, գրում է ՌԻԱ Նովոստին։

ՍՏԵՓԱՆԱԿԵՐՏ, 24 ԴԵԿՏԵՄԲԵՐԻ, ԱՐՑԱԽՊՐԵՍ։ «Եվրասիական գերագույն տնտեսական խորհրդի նիստի ընթացքում ստորագրվել է ԵՏՄ–ի շրջանակում դեղորայքի շրջանառության միասնական սկզբունքների և կանոնների համաձայնագիրն ու ԵՏՄ–ի շրջանակում բուժսարքավորումների (բժշկական նշանակության իրեր և բուժտեխնիկա) շրջանառության միասնական սկզբունքների և կանոնների համաձայնագիրը», – հայտարարել է Սալագայը։

Նրա խոսքով` համաձայնագրերի հիմնական նպատակն է ստեղծել իրավական հիմք` ԵՏՄ–ի շրջանակում դեղորայքի և բժշկական իրերի ընդհանուր շուկա գործարկելու համար։

«Համաձայնագրերն ուժի մեջ կմտնեն 2016թ.–ի հունվարի 1–ից, իսկ մինչ այդ կմշակվեն միասնական շուկայի գործունեության համար անհրաժեշտ երկրորդ մակարդակի ակտերը», – տեղեկացրել է նա։

Հարցեր, պատասխաններ, մեկնաբանություններ