«Հայաստանում հեռաուսուցում և խորհրդատվություն» ծրագրի առաջիկա նպատակներն իրատեսական են դառնում

 «Հեռաուսուցում և խորհրդատվություն» ծրագրի կազմակերպած հերթական տեսակոնֆերանսին մասնակցելու նպատակով ս.թ նոյեմբերի 13-ին Հանրապետական Գիտա-բժշկական գրադարանի նոր վերանորոգված հյուընկալ լսարանում հավաքվել էին երկու տասնյակ Պետական բժշկական համալսարանի օրդինատորներ:

Մինչ դասախոսությունը կսկսվեր, Գիտաբժշկական գրադարանի տնօրեն Աննա Շիրինյանը հավաքվածներին ներկայացրեց գրադարանի անսահման հնարավորություններն՝ ընթերցողներին կենսաբժշկական ոլորտի տպագիր և էլեկտրոնային տեղեկատվական աղբյուրներ ու շտեմարաններ տրամադրելու հարցում:

Այնուհետև Երևանի պետական համալսարանի Անհետաձգելի սրտաբանության ամբիոնի վարիչ, Ընդհանուր և ինվազիվ սրտաբանության կլինիկայի ղեկավար, բժշկական գիտությունների դոկտոր, պրոֆեսոր՝ Հմայակ Սոսի Սիսակյանը ներկայացրեց «Քրոնիկական սրտային անբավարություն» թեմայով դասախոսությունը, որին Ռոստելեկոմի տրամադրած Տեսազանգ կապի միջոցով մասնակցեցին նաև Կապանի տասնյակ սրտաբաններ և ընտանեկան բժիշկներ: Վերջիններիս խնդրանքով հաջորդ դասախոսությունը կնվիրվի «Կարդիոմիոպաթիա» թեմային:

Այսպիսով, «Հայաստանում հեռաուսուցում և խորհրդատվություն» ծրագրի առաջիկա նպատակներն են՝ դասընթացների, սեմինարների, հեռուստակոնֆերանսների հրավիրելն ու կազմակերպելը, մասնագիտական, անձնական հարաբերությունների հաստատելը բժիշկների միջև, մտքերի և կարծիքների փոխանակումը, որոնք քայլ առ քայլ ավելի իրատեսական են դառնում:

Հարցեր, պատասխաններ, մեկնաբանություններ