ԼՂՀ. Հանրապետական բժշկական կենտրոնում բացվել է պոլիկլինիկայի նոր բաժանմունք

Ստեփանակերտի Հանրապետական բժշկական կենտրոնում բացվել է պոլիկլինիկայի բաժանմունք՝ հագեցված ժամանակակից սարքավորումներով, ֆիզիոթերապիայի, ախտորոշման ու ակնաբուժության կաբինետների և լաբորատորիայի հնարավորություններով՝ բուժանձնակազմի աշխատանքային պայմաններին համապատասխան:

ԼՂՀ առողջապահության նախարար Հարություն Քուշկյանի ուղեկցությամբ նախագահ Բակո Սահակյանը ծանոթացել է նորաբաց բաժանմունքի պայմաններին, ով մասնավորապես կարևորել է, որ բժշկական հաստատությունների տեխնիկական հագեցվածության մակարդակի հետեւողական բարձրացումը, մատուցվող բժշկական ծառայությունների տեսակների ընդլայնումը՝ այն համարելով առողջապահության զարգացման հիմնական ուղղություններից մեկը:

Մասնագետների հավաստմամբ՝ նորաստեղծ լաբորատորիայում և կաբինետներում տեղակայված սարքավորւմներն հնարավորություն են ընձեռում ոչ միայն տեղում կազմակերպել մի շարք հիվանդությունների ախտորոշումն ու բուժումը, այլև մի քանի անգամ կրճատելու մի շարք հիվանդությունների ախտորոշման համար պահանջվող ժամանակը:

Հանրապետական բժշկական կենտրոնի տնօրեն Կարեն Բազյանի հավաստմամբ, բացի արդիական սարքավորումներից, տեղում առկա է նաև համապատասխան մասնագիտական ներուժ:

Հարցեր, պատասխաններ, մեկնաբանություններ