«Հեռաուսուցում և խորհրդատվություն» ծրագրի շրջանակներում ս.թ. հոկտեմբերի 2-ին Հայաստանի գիտաբժշկական գրադարանում տեղի ունեցավ հերթական տեսակոնֆերանսը:

Կոնֆերանսին ներկա էին նախագծի «Հայաստան» համահայկական հիմնադրամի ԱՄՆ արևելյան շրջանի տեղական մարմնի գործադիր տնօրեն Իրինա Լազարյանը, «Հայաստան» համահայկական հիմնադրամի նյույորքյան գրասենյակի տնօրենների խորհրդի անդամ և նախագծի ղեկավար Գևորգ Յաղջյանը, գիտա-բժշկական գրադարանի տնօրեն Անահիտ Շիրինյանը, «Հովարդ Կարագյոզյան» բարեգործական հիմնադրամի կողմից հովանավորվող բժշկական հաստատություններից հրավիրված տասնյակ բժիշկներ (ակնաբույժներ և ատամնաբույժներ):

Հիմնադրամի կողմից գիտաբժշկական գրադարանում տեղադրված POLYCOM VSX 7000-ի օգնությամբ կապ հաստատվեց Ստեփանակերտի կենտրոնական բժշկական կենտրոնի հետ, որի լսարանում հավաքվել էին Ստեփանակերտի տարբեր բուժհաստատություններից վիրաբույժներ, նյարդաբաններ, հեմոդիալիզի բաժան-մունքի աշխատակիցներ:

Բացման խոսքով ելույթ ունեցավ նախագծի ղեկավար Գևորգ Յաղջյանը՝ պարզաբանելով ապացուցողական բժշկության կարևորությունն ու արդիա-կանությունը: Նա նաև նշեց, որ այսուհետ տեսակոնֆերանսները կազմակերպվելու են պարբերաբար ամիսը երկու անգամ, որոնց մասին նախօրոք հայատարարված կլինի Med-Event օրացույցում:

Հաջորդիվ ելույթ ունեցավ պրոֆեսոր Ռուբեն Հովհաննիսյանր «Ապացուցողական բժշկության հիմունքները» թեմայով:

Հակիրճ ելույթ ունեցավ նաև գիտաբժշկական գրադարանի տնօրեն Աննա Շիրինյանը` ներկայացնելով «Բժշկական գրականության որոնում` տվյալների բազայում, և ժամանակակից էլեկտրոնային գրադարան» թեման:

Այնուհետև տեսակոնֆերանսի մասնակից երկու կողմերի միջև տեղի ունեցավ ակտիվ հարցուպատասխան ու կարծիքների փոխանակում, ինչից հետո եզրափակիչ խոսքով հանդես եկավ Իրինա Լազարյանը, նշելով, որ ծրագիրը կրելու է շարունակական բնույթ, կազմակերպվելու են նեղ մասնագիտական դասընթացներ, case presentation-ներ, կոնկրետ կլինիկական դեպքերի ներկայացումներ:

Արդեն իսկ նախատեսված են`

1. «Դիաբետիկ ոտնաթաթ» թեմայով տեսակոնֆերանս ԱՄՆ-ից հարվիրված Ժիրո Բոգոսեանցի (Dr. Jiro Bogossians, LA Glendale California) մասնակցությամբ հոկտեմբերի 3-ին:
   
   
2. «Օստեոպորոզ, բուժման ժամանակակից մեթոդներ» թեմայով տեսակոնֆերանս Կոլումբիայի բժշկական համալսարանի պրոֆեսոր Ջոն Պ. Բելիզիկյանի մասնակցությամբ հոկտեմբերի 10-ին:

Հարցեր, պատասխաններ, մեկնաբանություններ