Ցավակցական ուղերձ Սեյրան Հովհաննեսի Սիրունյանի մահվան կապակցությամբ

Նույեմբերի 19-ին կյանքից հեռացել է մանկաբարձ-գինեկոլոգ, Շենգավիթ ԲԿ-ի Կանանց կոնսուլտացիայի բաժնի վարիչ  Սեյրան Հովհաննեսի Սիրունյանը:

Սեյրան Սիրունյանը  ծնվել է 23.03.1938թ.: Երևանի Մխ. Հերացու անվան պետական բժշկական համալսարանն ավարտելուց հետո 1972թ. օրդինատուրան անցել է Մոսկվայում: Երկար տարիներ աշխատել է Մասիսի շրջանի բուժմիավորումում որպես գինեկոլոգիական բաժանմունքի վարիչ: 2004 թվականից ղեկավարում էր Շենգավիթ բժշկական կենտրոնի Կանանց կոնսուլտաիցիայի բաժանմունքը: Սեյրան Սիրունյանը հարգված և սիրված էր թե՛ աշխատակազմի և թե՛ հանրության կողմից:

Սեյրան Հովհաննեսի Սիրունյանի հոգեհանգստի արարողությունը տեղի կունենա այսօր ժամը 18:00 Նոր Նորքի (V զանգված) Սբ. Սարգիս եկեղեցում, իսկ հուղարկավորության արարողությունը տեղի կունենա նոյեմբերի 21-ին ժամը 14:00 նույն եկեղեցու բակից:
 
Մեր ցավակցական խոսքն ենք հղում հարազատներին, ընկերներին և գործընկերներին:

Հարցեր, պատասխաններ, մեկնաբանություններ