Երևանի պետական բժշկական համալսարանի պատվիրակությունն այցելեց ԼՂՀ

Լեռնային Ղարաբաղի հանրապետության կրթության և գիտության նախարար Վլադիկ Խաչատրյանի հրավերով երկօրյա աշխատանքային այցով, փետրվարի 17-ից 18-ը Լեռնային Ղարաբաղի Հանրապետությունում է գտնվել Երևանի պետական բժշկական համալսարանի պատվիրակությունը` ռեկտոր, պրոֆեսոր Դերենիկ Դումանյանի գլխավորությամբ:

ԼՂՀ կրթության նախարարի հետ քննարկվել են Արցախի պետական համալսարանի ստոմատոլոգիական ֆակուլտետին, կրթական ծրագրերին, ինչպես նաև փոխհամագործակցության ընդլայման հնարավորություններին վերաբերող հարցեր:

Իսկ ԼՂՀ առողջապահության նախարար Սերգեյ Մովսիսյանի հետ կայացած հանդիպման ընթացքում քննարկվել են բժիշկների պատրաստմանը և վերապատրաստմանն առնչվող հարցեր:

ԵՊԲՀ-ի պատվիրակությանն ընդունել է նաև Լեռնային Ղարաբաղի հանրապետության վարչապետ Արա Հարությունյանը: Ռեկտոր Դերենիկ Դումանյանը վարչապետին ներկայացրել է հանդիպումների ընթացքում ձեռք բերված պայմանավորվածությունները և հետագա համագործակցության նախանշված ուղղությունները:

Պատվիրակությունն, իհարկե, ձեռնունայն չէր մեկնել Լեռնային Ղարաբաղ: ԵՊԲՀ-ի կողմից նվիրաբերված բժշկական մասնագիտական գրականությամբ հարստացավ Ստեփանակերտի կենտրոնական հոսպիտալը:

Հարցեր, պատասխաններ, մեկնաբանություններ