Հանդիպում Համաշխարհային բանկի Հայաստանի գծով ավագ տնտեսագետ Ռոբերտ Տալիերսոյի հետ

ՀՀ առողջապահության նախարար Հարություն Քուշկյանն ընդունել է Համաշխարհային բանկի Հայաստանի գծով ավագ տնտեսագետ Ռոբերտ Տալիերսոյին, Համաշխարհային բանկի տնտեսագետ Սուլեյման Ուլիբալիին, ինչպես նաև Համաշխարհային բանկի Երևանի գրասենյակի տնտեսագետ Գոհար Գյուլումյանին:

ՀՀ ԱՆ ծրագրերի իրականացման գրասենյակի տնօրեն Սերգեյ Խաչատրյանը հյուրերին է ներկայացրել Հայաստանի Հանրապետությունում համավճարների ծրագրի ներդրման, ինչպես նաև ոչ վարակիչ հիվանդությունների դեմ պայքարի ազգային քաղաքականությանը միտված աշխատանքների ընթացքը:

Պետական առողջապահական գործակալության պետ Տեր-Գիգորյանն իր հերթին ներկայացրել է առողջապահության համակարգում ֆինանսավորման նոր մեխանիզմները: ՀՀ առողջապահության նախարար Հարություն Քուշկյանն ամբողջացնելով զեկուցումները   հավելել է, որ այս ամենը միտված է սոցիալապես անապահով մարդականց անվճար բուժօգնություն ստանալու իրավունքների պահպանմանը և անօրինական գանձումները օրինականացնելուն: Ըստ նրա սա նոր քաղաքականություն է, նոր ուղղություն և առողջապահության ոլորտի, և բնակչության համար: Այդ առումով շատ կարևոր է հանրային իրազեկումը: Համաշխարհային բանկի տնտեսագետ Սուլեյման Ուլիբալը ներկայացնելով արտոնյալ պայմաններով բուժօգոնություն ստացողների ցանկի վերաբերյալ ուսումնասիրությունները, նկատել է, որ իսկապես վերջիններս վերանայման և արդիականացման կարիք ունեն: Հյուրերը հետաքրքրվել են համավճարների համակարգի ներդրման մանրամասներով, մասնավորապես պիլոտային ծրագրով:

Հյուրերը շնորհակալություն են հայտնել երկրում իրականացվելքի բարեփոխմանը միտված աշխատանքների և առհասարակ հանդիպման համար, վերջինս համարել են օգտակար և անհրաժեշտ, քանի որ ստացել են իրենց հուզող բոլոր հարցերի պատասխանները:

Հարցեր, պատասխաններ, մեկնաբանություններ