«Առողջ երևանցի». 20-ամյակի միջոցառումների շրջանակում տրամադրվել է անվճար բժշկական խորհրդատվություն

Անկախության 20-ամյակի միջոցառումների ցանկում ընդգկված «Առողջ երևանցի» բժշկական ակցիայի շրջանակում երեկ Անգլիական այգում մի քանի ժամ շարունակ քաղաքացիները բժշկական անվճար խորհրդատվություն է տրվել:

Երևանի քաղաքապետարանի ենթակայությամբ գործող 25 բուժհաստատություններ երևանցիներին և Անկախության 20-րդ տարեդաձի առթիվ մայրաքաղաք ժամանած մարզերի բնակիչներին տրամադրում էին բժշկական անվճար խորհրդատվություն: Այգում կողք կողքի տեղադրված տաղավարներում ամենաբազմազան մասնագիտացված խմբեր են. մանկաբույժ, քիթ-կոկորդ-ականջաբան, սրտաբան, ակնաբույժ և այլն:

Երևանի քաղաքապետարանի առողջապահության վարչության պետի խոսքով, Հայաստանի անկախության 20 և Երևանի ծննդյան 2793-ամյակը ևս մեկ հնարավորություն է, որպեսզի մենք մեր քաղաքացիների շրջանում տարածենք առողջության նկատմամբ հետևողական լինելու անհրաժեշտությունը:

Ըստ Արմեն Ուլիխանյանի, բժիշկներին դիմող քաղաքացիների հոսքը նախորդ տարվա համեմատ բավականին ավելացել է, այնուամենայնիվ բժիշկները բարյացկամ սպասարկում են բոլորին:

Հարցեր, պատասխաններ, մեկնաբանություններ