Արյունատվության ակցիա նվիրված Երեխաների միջազգային օրվան

ՀՀԿ կանանց խորհրդի ավանդական դարձած երեխաների պաշտպանության միջազգային օրվան նվիրված մեկշաբաթյա ծրագրի շրջանակում հունիսի 1-ին Ռ. Յոլյանի անվան արյունաբանական կենտրոնում անցկացվեց արյունատվության ակցիա, որի հիմնական նպատակն է օգնել հեմոֆիլիայով և արյան այլ հիվանդություններով տառապաող երեխաներին, հանրության ուշադրությունը սևեռել դոնորության խնդիրներին, ակտիվացնել այդ երևույթը:

Միջոցառմանը մասնակցեցին` ՀՀԿ կանանց խորհրդի նախագահ, ԱԺ պատգամավոր` Հերմինե Նաղդալյանը, ԱԺ պատգամավոր Կարինե Աճեմյանը, Ֆինանսների և Էկոնոմիկայի առաջին փոխնախարար Կ. Մովսիսյանը, Մշակույթի փոխնախարար Ա. Սամուելյանը, Երևան քաղաքի ավագանի Ն. Նահապետյանը և Մ. Ղազարյանը, Երևանի քաղաքապետարանի կրթության վարչության պետ Գ. Սողոմոնյանը, Նոր - Նորքի վարչական շրջանի ղեկավար Մ. Գասպարյանը, ՀՀԿ կանանց խորհրդի անդամներ: Արյունատվության ակցիային մասնակցել են կրթության, մշակույթի, սոցիալական ոլորտների բազմաթիվ ներկայացուցիչներ: Արյուն տվողների առաջիններից մեկը ՀՀ վաստակավոր արտիստուհի Ս. Յուզբաշյանն էր:

ՀՀԿ կանանց խորհուրդի փոխանցմամբ` Հանրապետական կանայք այցելեցին նաև հիվանդ երեխաներին և հանձնեցին նվերներ: Ակտիվ մասնակցություն ունեցան ՀՀԿ Երևան քաղաքի տարածքային կազմակերպությունների կանանց խորհուրդների անդամները:

ՀՀԿ կանանց խորհուրդը ակցիան իրականացնում է պարբերաբար և կոչով դիմում է հասարակությանը` աջակցել հիվանդ երեխաներին, նաև դոնոր հանդիսանալ:

Հարցեր, պատասխաններ, մեկնաբանություններ