Երկու խորհուրդ՝ ինչպես պաշտպանվել շների հարձակումների ժամանակ. news.am

Կատաղած շան հարձակումը դժվար թե լավ ավարտ ունենա՝ եթե ոչ մահը, ապա վնասվածքն ու վարակը ապահովված են: Ինչպես պաշտպանվել շներից: Այս մասին օգտակար խորհուրդներ է ներկայացրել անվտանգության ոլորտի փորձագետ Բիլ Սթենթոնը (ԱՄՆ):

1. Ավելի լավ է ձեռքը, քան մարմնի մեկ այլ մասը

Եթե տեսնում եք, թե ինչպես է կատաղած շունը վազում դեպի ձեզ, ձգտեք չնայել նրա աչքերի մեջ, խորհուրդ է տալիս Բիլ Սթենթոնը: Եթե շունը. այնուամենայնիվ. արդեն կառչել է ձեր ձեռքից, այն օդ մի՛ բարձրացրեք, ինչպես շատերն են անում, այլ հակառակը՝ իջեցրեք ցած, փորձելով դանդաղորեն հեռանալ: Դրանով իսկ դուք շանը ազդանշան կուղարկեք, որ չեք ցանկանում կռվել ու պատրաստ եք նահանջել:

Երբ շունը դեպի ձեզ է վազում, նա կարող է կառչել ձեր ոտքից, կոկորդից, դեմքից կամ իրանից: Մարմնի այդ մասերը շատ խոցելի են, դրա համար էլ ավելի լավ է ձեռքը կծի, այն բավականաչափ ամուր է, եւ հետո այդ դեպքում դուք մանեւրելու հնարավորություն կունենաք: Սակայն մի փորձեք կռվել շան հետ, նրան հարվածել ոտքերով, հրել ձեռքերով եւ այլն: Ձգտեք չտնքալ ու չլացել: Այդ ամենը ընդամենը ավելի կկատաղեցնի շանը ու նա ավելի անկառավարելի կդառնա:

2.  Ձեռքերը վեր բարձրացրեք, որպեսզի խոշոր ու սարսափելի հակառակորդ երեւաք

Շան հարձակմանը դիմակայելու երկրորդ ձեւը փորձագետի խոսքով «հոգեբանական» է: Երբ տեսնում եք, որ դեպի ձեզ շուն է սլանում, ձեռքերը վեր բարձրացրեք, որպեսզի նրան ավելի խոշոր ու սարսափելի հակառակորդ թվաք ու սկսեք ավելի բարձրաձայն ու ահեղ բղավել: Դա պետք է անել հնարավորինս շուտ՝ որոշ դեպքերում դա թույլ է տալիս վախեցնել կենդանուն, ու նա նահանջում է:

Փորձագետի խոսքով, այս միջոցը բավականին արդյունավետ է, եթե մարդու վրա անտառում արջ է հարձակվում: Կարեւորը հնարավորինս խոշոր թվաք կենդանու աչքերում, այնպես որ ոտքերը լայն բացեք ու ձեռքերը վեր բարձրացրեք:

Հարցեր, պատասխաններ, մեկնաբանություններ